Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Айсылу Юнысова оешма әгъзалары белән мәктәпкәчә яшьтәге балаларны халкыбызның гореф-гадәтләре, йолалары, мәдәнияте белән таныштыру чараларын дәвам итеп, 14 нче урта белем бирү мәктәбе каршында эшләүче балалар бакчасы бүлекчәсенең «Речецветик» балалар төркеменә дә бардылар.
Бу балалар бакчасында уртак чаралар үткәрү икенче ел оештырыла. Быел балалар игътибар белән кунакларның әниләргә багышланган чыгышларын тыңлап, милли киемнәренә сокланып карадылар. «Речецветик» балалар төркеменең уңышлары да мактанып сөйләрлек. Россия күләмендә узган «Яшь талантлар» бәйгесендә җиңү яулаган нәни биючеләр үзләренең сәләтләрен күрсәтеп «Варенька» биюен кунаклар игътибарына тәкъдим иттеләр. Очрашу чарасында 14 нче мәктәп җитәкчесе Светлана Айсина, үзләренең эшләрен яратып башкаручы тәҗрибәле төркем тәрбиячеләре Айгөл Мирзаянова, Асия Маняпова, педагог-психолог Надежда Куприна һәм башка белгечләр булдылар. Светлана Айсина Айсылу Юнысовага һәм оешма әгъзаларына яшь буынны гражданлык–патриотик тәрбияләүдәге зур өлешләре өчен Рәхмәт хаты тапшырды.
Чараның йомгаклау өлешендә балалар «Солнечный круг» җырын кунаклар белән бергә башкардылар.
Римма УМИТБАЕВА.
