Көрәштә спорт мастерлыгына кандидат

Подробности

Опубликовано 20.03.2017 18:04

Просмотров: 339

Башкортстан Республикасының Стәрлетамак шәһәрендә 15-16 һәм 17-18 яшьлек егетләр арасында Россия беренчелеге үтте. «Стәрлетамак-Арена» спорт сараенда ике көн дәвамында Татарстан, Башкортостан, Кырым Республикалары белән бергә 20 төбәктән килгән 300ләгән көрәшче бил алышты. Алар төрле категорияләрдә җиңү яулап, 72 медальгә лаек булдылар. Чемпион егетләр — 10 ар мең сум, икенче урынга ия булучылар — 7 мең һәм бронза медаль ияләре — 5әр мең сум акчалата бүләк алдылар. Шулай ук мактау пьедесталына чыккан егетләргә һәрберсенә кубок һәм Россиянең спорт министры Сергей Колобков кул куйган мактау грамоталары тапшырылган, һәркайсы спорт мастерлыгына кандидат исемен алачак.

Бу мәртәбәле бәйгедә Төмән спортчылары да катнаштылар. Җиңүчеләр исемлегендә Төмән районының Индрәй авылы егете Альберт Шәрипов та бар. Альбертның абыйсы Руслан да көрәштә призлы урыннар алганы бар. Грек-рим көрәше белән шөгыльләнүче егетләр милли спорт төрендә дә сынатмыйлар.

Гөлнур ВӘЛИЕВА.