Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
“Яшь буын” өлкә татар яшьләре оешмасының үзешчән артистлары "Яңарыш" өлкә татар газетасының 30 еллыгына багышланган программа белән 7 мартта Ялутор шәһәрендә, 9 март көнне Тубыл районы, Күкрәнде һәм Ләчек, аннары Вагай районы, Усак, Тугыз, Казанлы, Тубыл районының Нешшә, Вәчир авылларында чыгыш ясадылар. Җыр-моңга сагынган халык аларны ачык йөз, ялкынлы алкышлар белән каршыладылар. Оешма җитәкчесе - Татарстан Республикасының атказанган мәдәният хезмәткәре Фәрид Корманов «Яңарыш» газетасының юбилее турында искәртеп, милләтебезне, телебезне, мәдәниятебезне саклауда башкарган эшенә бәя биреп, газетага язылырга чакырды. Аннары “Яңарыш” тарихы белән таныштырып, өлкәбездә 30 еллап чыгып килүче газетабызның актив хәбәрчеләре, дуслары белән фотослайдлар күрсәтеп киттеләр.
Авылларның күбесенә, халык соравы буенча, кабаттан бардылар. Әлеге сәяхәт турында киләсе саннарда тулырак язма биреләчәк.
Рәүфә КАНГАЗИНА
