Март 2023 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл районы, Лаемтамак авыл клубы каршында эшләүче «Дуслык» җыр, бию ансамбле яңа концерт программасы белән Күкрәнде, Ләчек авылларында булып кайттылар. Күрше авылларда иҗади очрашулар гореф-гадәткә әверелде. Транспорт мәсьәләсен чишүдә ярдәм иткән Тубыл район мәдәният үзәге директоры Сергей Мокроусовка рәхмәтләребезне юллыйбыз. Микроавтобуста ерак юлны рәхәтләнеп, җырлап бардык. Якташларыбыз белән очрашып, сәләтебезне күрсәттек.
Моңлы, матур эстрада җырларын башкаручы җырчыларыбыз, биючеләребез, алып баручыбызның чыгышлары авыл тамашачыларының кәефләрен күтәрде. Мондый аралашулар, тәҗрибә белән уртаклашу артист өчен бик кирәк. Күкрәнде, Ләчек авыл клублары хезмәткәрләре Эльвира Ташбулатова белән Нәҗибә Ташбулатова безне бик яхшы каршы алдылар. Милли ризыклар, чәй табыны артында сөйләшүләр, чыгышларны, җырларыбызны алкышлар белән озатулары «Дуслык» ансамбле артистларын канатландырып җибәрде. Ансамблебезгә, җитәкчебез Вилдан Мәмәтгалиевка рухи көч, дәрт өстәде. Якташларыбыз татар җырларны, биюләрне яратып тыңладылар, карадылар. Ул якта яшәүче милләттәшләребезнең кунакчыллыгын, татар мәдәниятенә мәхәббәтен күреп кайттык. «Дуслык» ансамбле коллективына яңа иҗади уңышлар, халкыбызга тынчылык телик. Үзешчән артистларыбызны җылы каршы алган якташларыбызга олы рәхмәтебезне җиткерәбез.
Шаһинур МӘМӘТГАЛИЕВА,