Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Безнең халык сугышны беркайчан да теләмәгән. Күп еллар элек – 1953 нче елда төшерелгән бу фоторәсемдә мөлаем, ачык йөзле яшь солдатларның берсе – (сулда) минем әтием Әбделалим Мәхмүтов - Талымхан кешесе, янындагы иптәше – күрше Каскара авылы егете. «Алар дүрт ел буена хәрби хезмәттә бергә булганнар, - дип сөйли иде әнием. Авыр солдат хезмәтен кичерергә җиңелрәк булгандыр аларга.
1930 елда Төмән районы, Талымхан авылында туган әтием Армия сафларына 1951 елның июль аенда чакырыла. Сугыш тәмам, абыйлары хәрби заводларда эшләп, туган якларына кайтканнар, апасы белән сеңелләре әниләре янында булганнар, хәзер барысы да тормышта. Әбием Зәйнәп Арип кызы намазларын калдырмыйча, барысы өчен догалар кылган.
Бөек Ватан сугышы вакытында әтием - 11 яшьлек малай авылдашы Сәитҗан Сәгыйтдинов белән колхоз басуларында җир сөрә. Әтием олырак булганга, суканы йөртә, ә Сәитҗан - ат әйди. Хатын-кызлар буразнага бәрәңге орлыклары сала. Былтыргы бәрәңгеләрне өйгә алып кайталар, алардан тәмле липүшкәләр ясыйлар. Апалары тоткан балыктан тәмле шулпа пешерәләр.
Армия хезмәте 4 ел, 4 айдан тәмамлана. Әтием туган якларына әйләнеп кайта. 1956 ел әтиемә бәхетле гаилә тормышы алып килә. Хезмәт һәм тыл ветераны буларак, әтием дөньяда 71 ел гомер кичерде. Аның хәрби билетын мин мәктәп музеена тапшырдым, анда югалмас.
Рәйсә РӘХИМОВА,
Төмән районы, Талымхан авылы.
