Апрель 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Төмән өлкәсенең 40тан артык массакүләм мәгълүмат чаралары вәкилләре иҗтимагый элемтәләр департаментының Мактау грамоталары һәм Рәхмәт хатлары белән бүләкләнде. «Яңарыш» редакциясе хезмәткәре Лариса Тузмөхәммәтовага департаментның Рәхмәт хаты тапшырылды. Чын күңелдән тәбриклибез!
Тантаналы чарадан соң, «Баш мөхәррир көне» белем бирү семинары башланды. «Пароходлык конторасы» мультиүзәгендә 100гә якын катнашучы җыелды.
«Безнең заманда законнар бик тиз үзгәрә. Шуңа күрә: «Медиабелгечкә заманча чынбарлыкта ничек яшәргә?» дигән сорауга: «Гел укырга!», дияр идем. Бу кыска курслар, программалар, конференцияләр булырга мөмкин. Безнең белем бирү семинары - нәкъ менә шундый укытуның бер өлеше. Без үз ягыбыздан максималь файдалы мәгълүмат бирергә тырышабыз һәм экспертларны чакырабыз, алар соңгы үзгәрешләр һәм сезнең белән безнең эш өчен мөһим тенденцияләр турында сөйлиләр», - дип уртаклашты Төмән өлкәсенең иҗтимагый элемтәләр департаменты директоры Ирина Широкова.
Төмән өлкәсе сайлау комиссиясе рәисе урынбасары Андрей Николаев җыелучыларга 2026 елгы электораль циклның үзенчәлекләре турында сөйләде. Тагын да Төмәннең 440 еллыгына әзерлек, Россия халыклары бердәмлеге елын матбугатта яктырту, күзәтчелекнең актуаль мәсьәләләре, реклама турында турында сүз барды.
Гөлнур ВӘЛИЕВА.
