Котлыйбыз!
- Подробности
- Опубликовано 22.03.2019 12:11
- Просмотров: 179
Татарстан Республикасында узган “Россиянең ел укытучысы” Бөтенроссия конкурсының региональ этабы финалында “Иң яхшы татар теле һәм әдәбияты укытучысы” номинациясендә Россия Федерациясенең 11 төбәгеннән килгән мөгаллимнәр көч сынашты. Алар арасында якташыбыз, Төмән районы, Муллаш урта мәктәбенең татар теле һәм әдәбияты укытучысы Азалия Габдрәхимова дәрәҗәле 3 урын алып кайтты. Азалия Төмән дәүләт университетының татар бүлеген тәмамлаган тырыш кыз. Ул әле өлкә күләмендәге “Себер йолдызы” бәйгесе җиңүчесе дә, «Яңарыш» белән дә даими элемтәдә тора. 2018 елда “Иң яхшы татар теле һәм әдәбияты укытучысы” бәйгесенең өлкә турында җиңеп, Казанга Бөтенроссия конкурсына бару хокукын яулады.
Азалия Радик кызы - өлкәбез һәм гаиләнең алтын тоткасы булган укытучы әбисе Әминәнең горурлыгы, аны чын күңелдән уңышы белән котлыйбыз. Киләчәктә дә сынатмавын, үрләр артыннан үрләргә менүгә ирешүен телибез.
Редакция.