Яңалык

Подробности

Опубликовано 22.03.2019 12:11

Просмотров: 187

Тысячи тюменцев посетили выставку “Сирийский перелом”. Бу хәрәкәт итүче күргәзмә 13 мартта уздырылды. Сурия Гарәп Республикасында террорга каршы операция барышында трофей сыйфатында алынган корал һәм хәрби техника өлгеләре белән Төмән тимер юлы вокзалына хәрби эшелон килде. “Сурия үзгәреше” дигән хәрби-патриотик акция Россия Президенты Владимир Путин инициативасы буенча уздырыла. Ул Бөек Ватан сугышында Җиңүнең 74 еллыгына багышланган. Акциянең максаты – Сурия территориясендә халыкара террорга каршы көрәшкән Россия хәрбиләренең батырлыгы турында халыкка җиткезү. Ул 23 февральдә старт алды, 27 апрельдә Мәскәү өлкәсендә тәмамланачак. Агитпоезд 28 меңнән артык чакрым юл үтәчәк. Эшелон юлында Төмән 21нче шәһәр булды.

* * *

В СУЭНКО начали готовиться к весеннему паводку. Соңгы өч елда ташкын астында калган яисә янаган энергия объектлары махсус контрольдә булачак. Төп мәсьәлә – ташкын зонасына кергән Төмән һәм Курган өлкәләре электр челтәрләрен авариясез су үткәрүгә әзерләү, ә хезмәтчәннәргә төрле прогнозларга оператив рәвештә илтифат (реагирование) итү. Хәзерге көндә филиаллар су басу янаган ярдәмче станцияләрне, электр тапшыру линияләрен һәм башка электр җайланмаларны тикшерәләр.

* * *

Грачи прилетели, на крыльях весну принесли немного раньше обычного, установили орнитологи. Кара каргалар Төмән өлкәсенең төньягына 10 мартта кайттылар. 2018 елда алар 15 мартта күзәтелгәннәр. Быел беренче кошларны Төмән районы, Кулаково авылы тирәсендә күрделәр. Оя кору өчен ачык территория – урман полосасын сайлыйлар, аны берничә катлы итеп салалар. Экспертлар Төмән өлкәсе күчмә кошлар яшәү өчен комфортлы дип таныганнар.

* * *

Тюменцы посоревнуются за звание “Лучший обвальщик мяса”. Тиздән Курган өлкәсендә узачак Урал федераль округының “Хезмәт кешесен данлау!” һөнәри осталык проекты конкурсында “Иң яхшы сугымчы “ номинациясе буенча Төмән өлкәсе командасы катнашачак. Анда “Ялутор ит комбинаты” оешмасы эшчесе милләттәшебез Линар Сәйфуллин да көч сынашачак.

* * *

Ярковский район вошел в десятку лидеров всероссийского «Инкубатора сельских инициатив». Илебездә беренче мондый проект авыл җирлекләрен үстерү командаларын оештыра һәм укыта. Активлар үзләренең территорияләрен яхшырту өчен мөмкинлекләр һәм ресурслар таптылар. Эш үз алларына куйган максатларны гамәлгә ашыруда калды. “Авыл инициативалары инкубаторы” урнаштыру семинары Мәскәүдә уздырылды. Аны Президент гранты акчасына авыл яшьләре Россия союзы оештырды. 60 регионнан 200 гариза бирелде, әмма алга 10 команда гына үтте. Яркәү районы, Дубровно авылы командасы җиңүчеләр арасында булды.

* * *

Тюменские школьники поборются за путевки в Артек. Төмән өлкәсенең 58 мәктәбеннән 191 югары сыйныфлар укучылары “Кырым язы” фестивале кысасында старт алган “Рус Кырымы һәм Севастополь” исемле Бөтенроссия социаль акциясендә конкурсантлар булдылар. Катнашу өчен гариза 30 июльгәчә кабул ителә. Һәр укучыга бай, ямьле ярымутрау тарихына багышланган үзлектән дәрес планын әзерләү көтелә һәм башкасы. Бәйгедә җиңүчеләр “Артек” лагеренең 12нче сменасына китәчәкләр.

Өлкә газеталарыннан хәбәрләрне Диләфрүз ФӘХРЕТДИНОВА туплады.