Суджаны азат итү операциясендә катнашучы

Подробности

Опубликовано 21.03.2025 17:53

Просмотров: 228

«Ахмат» спецназының «Аида» төркеме сугышчылары бер атна диярлек Курск өлкәсенең Суджа халкын Украина оккупантларыннан азат итү өчен торба буйлап килделәр. Геройлар арасында Төмән өлкәсенең Тубыл шәһәрендә яшәүче Ринат Таштимер улы да бар. Аның кушаматы «Ерткыч».

«Поток» җир асты операциясен «Ветераннар» бригадасы эшләгән. «Ахмат» махсус отряды, 30 нчы полк, 11 нче ВДВ бригадасы, «Ветераннар» ирекле штурм, «Восток» бригадалары, мотоукчылар полкының 800 сугышчысы магистраль газүткәргеч торбасы буйлап үтеп керәләр һәм дошманга җимергеч һөҗүм ясыйлар.

«Мин эчемнән генә әйтәм: мин авыл малае, мин бөтен нәрсәгә, теләсә нинди физик йөкләнешкә әзер идем. Кайда шуышу, бару мөһим түгел. Операция башланыр алдыннан безгә генерал Апти Алаудинов килде, ул вакыйгаларның нәтиҗәсен нәкъ менә без үзгәртәчәкбез, ахырга кадәр барырга кирәк, диде. Без бит ирләр. Операция якынча 6-7 көн дәвам итте. Иң катлаулысы - «габаритлы булмаган» иптәшләр өчен борчылдым. Барысының да исән калуына мин бик шат. Без үз бурычыбызны үтәдек: ахырга кадәр тордык», - диде сугышчы.

Хәзер якташыбыз яра белән госпитальдә ята. Үземне яхшы хис итәм, ди.

РФ оборона министрлыгы хәбәр иткәнчә, Суджа 13 мартта азат ителә. Россия Президенты Владимир Путин Курск өлкәсендә Суджаны азат иткән хәрбиләргә рәхмәт белдерә: «Мин бу бурычны хәл иткән барлык сугышчыларыбызга рәхмәт белдерәсем килә. Ышанам ки, Курск өлкәсенә керү участокларына билгеләнгән барлык планнар да, хәрби чиктәшлекнең башка участокларындагы кебек үк, үтәләчәк», - диде дәүләт башлыгы.

Төмән өлкәсе мәгълүмати үзәге.
(Гөлнур Вәлиева тәрҗемәсе).