Апрель 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
1 апрель көнне Төмәндә VII өлкә татар фольклор фестивале төрле районнардан халык иҗаты осталарын җыйды. “Төзүче” милләтләр мәдәнияте сараенда икенче катта кул эшләре әйберләре күргәзмәләре эшләде. Анда “Әбием” бренды татар кәләпүшләре, татар балы, чигүле мендәрчеге игътибарны җәлеп итте. Тамашачы әкренләп залга агылды. Татар фестивальләренә ел саен яратып киләләр.
Быелгы фестиваль танылган фольклорчы, галимә, якташыбыз Флора Әхмәтова-Урманче истәлегенә багышланды. Шуңа да алып баручы Гөлфия Хәлитова күренекле шәхесебез тормыш юлына, эшчәнлегенә слайдлар ярдәмендә күзәтү ясады.
Аннары сәхнә түренә себер татарлары фольклорын чагылдырган төйдереп биюләр, такмаклар, бәет-мөнәҗәтләр башкаручылар чыктылар. Инде халкыбызга танылган “Тамаша” (Аслана, Ялутор районы), “Саз”(Тарман, Түбән Тәүде районы), “Туган тел” (Арткавыл, Тубыл районы), “Шытыр-шатыр” (Шыкча, Төмән районы), “Умай” (Төмән шәһәре) фольклор ансамбльләре кызыклы, мәгънәле, эчтәлекле, материалга бай күренешләре белән сокландырдылар. 
Ә яңа гына оешкан “Пышны” (Муллаш, Төмәнрайоны), “Вак пәлец” (Талымхан, Төмән районы) кебек төркемнәр, хәтта, беренче урынга кадәр күтәрелделәр. Коллективлар,башкаручылар елдан-ел остаралар, яңакиемнәре белән куандыралар. Күренешләрдән шулкадәр кызыклы бай мәгълүмат туплап калырга була. Мәсәлән, “олыныкын тыңламасаң, олып утырырсың”, “стеналарны тозлы су белән юсаң, өйдән җен-зәхмәт чыгып качар”, “камыштан ясалган урында асты юешләнгән бала корыда гына ята”. 7 елдан бирле якташларыбыз милли уен коралларын да ясарга, фольклор күренешләрен дә куярга өйрәнделәр. Материал кытлыгы да сизелә башлавын яшермиләр. Казандагы төбәгебез халык авыз иҗатын җыйган галимнәргә өметләре зурдан. Тик бирешмиләр, гел эзләнү юлында үзләре. Өлкә татар Конгрессы җитәкчеләре үткәрергә ярдәм кулы сузганда, мәдәният белгече Вәлимә Ташкалова барлап, әйдәп бу эшне башкарып барганда югалмас мәдәни байлыгыбыз, алдагы буыннар яңадан кулланышка кертеп җибәрерләр.
Гөлнур ВӘЛИЕВА.
