Март 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Төмән округының Шыкча, Талмы, Явызбы, Криводаново авылларының җәмәгатьчеләре һәм мөселман җәмгыятьләре МХОдә катнашучыларга һәм аларның гаиләләренә актив ярдәм күрсәтәләр.
Иске Тубыл территориаль идарәсе җитәкчесе урынбасары Юлия Муллачанова Шыкча, Талмы, Явызбы, Криводаново авылларыннан килгән җәмәгать эшлеклеләренең: ветераннар советының, мөселман җәмгыятьләренең, территориядәге барлык авыллардан килгән волонтерларның зур эшен билгеләп үтте.
- Ветераннар советы белән берлектә 2025 ел дәвамында без юбилярларны һәм гаилә парларын юбилей даталары белән котладык. МХО катнашучыларына ярдәм итүгә зур игътибар бирелә: якташлары гуманитар ярдәм җыялар һәм җибәрәләр, маскировка челтәрләре үрәләр, - дип белдерде.
Шыкча авыл җирлеге Думасы белән берлектә сугышчыларга, МХОдә катнашучыларның гаиләләренә утын һәм балаларга Яңа ел бүләкләре алу өчен күп тапкырлар ярдәм җыюлар игълан ителгән.
- Аерым рәхмәт сүзләрен җирле мөселман җәмгыятьләре җитәкчеләренә белдерәбез: Альберт Гыйльманов (Шыкча авылы), Әхсәм Буранчин (Талмы авылы), Шәйнур Алеев (Явызбы авылы). Алар авыл җирлеге мәсьәләләрен хәл итүдә күп тапкырлар ярдәм иттеләр.
«Авылдашлар» вокал төркеменә дә рәхмәт, алар гуманитар ярдәм белән бергә, торак пунктыбызны төзекләндерүдә дә актив катнашалар, мәсәлән, чәчәкләр утырталар һәм авылда матур клумбалар барлыкка килде. Явызбы авылы активистларына: ятьмә үреп, чәк-чәк ясаучыларга, Талмы авылы активистларына да рәхмәтебез чиксез, алар махсус хәрби операциядә катнашучыларга ярдәм күрсәтү өчен күп тапкырлар мәчеткә җыелганнар. Криводаново авылыннан «Ариадна» төркеменә ятьмә үреп, медикаментлар җыеп, хәтта фронтка ике мунча, мотоцикл һәм суыткыч җибәргән өчен рәхмәтебез зур», - дип Юлия Муллачанова якташларына ихтирамын җиткерде.
Төмән округы башлыгы Ольга Зимина да битараф булмаган авыл халкына ветераннарга һәм МХОдә катнашучыларга, аларның гаиләләренә ярдәм оештырганнары өчен рәхмәт белдерде.
Төмән районы яңалыклары төркеменнән.
(Ләйлә МАДЬЯРОВА тәрҗемәсе).
