Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
27 март көнне Төмән шәһәренең Журналистлар йортында милләтләр эшләре буенча өлкә комитеты рәисе Евгений Воробьев массакүләм мәгълүмат чаралары хезмәткәрләре белән очрашты. Конференция 2020 елга хәтле өлкәдә дәүләт милли политикасын дөньяга ашыру темасына багышланган иде. Эшлекле очрашу бу көннәрдә Кемерово шәһәренең “Зимняя вишня” сәүдә үзәгендә янгын чыгып әлеге фаҗигадә зыян күрүчеләрнең кайгысын уртаклашып, һәлак булучыларны бер минутлык тынлык белән искә алудан башланды. Евгений Воробьев журналистларны сәламләгәннән соң, конференция темасына күчеп: “Өлкәбездә 150 милләт вәкиле яши, безнең өчен Россия Гимнындагы “туганлык бердәмлеге һәм изге җиребез” дигән сүзләр гади, буш сүзләр түгел, ә эшләр өчен алар этәргеч булып торалар”, - диде.
– Дәүләт милли политикасы программасының аерым өстенлеге, максаты, бурычлары бар. Ә иң мөһимнәре – өлкәдә яшәүче төрле милләт вәкилләренең бердәмлеген, рухи гомумилеген ныгыту һәм гореф-гадәтләрен, мәдәниятен үстерү, чит илләрдән күчеп килүчеләрнең иҗтимагый шартларга җайлашуын, җирле азсанлы төньяк халыкларының хуҗалык эшләрен үстерүгә ярдәм итү, мәдәниятләрен саклау, халыкара дуслыкны ныгыту, экстремизм күренешләрен алдан кисәтү. 2017 елда ике меңнән артык төрле милли-мәдәни, фәнни, дини чаралар уздырылган, шуларга һәм мөһим проектлар өчен дәүләт тарафыннан 162 миллион сум акча тотылган. Шулай ук узган ел нәтиҗәләре буенча өлкәдә милләтара мөнәсәбәтләр сферасында позитив тенденцияләр сакланган, - дип сөйләде. Аның каравынча, бары тик төрле милләтләрнең үзара дус яшәүләре генә Россияне иң каты санкцияләргә каршы көчле һәм бәйсез итә. Евгений Воробьев чыгышыннан соң, журналистлар аңа бүгенге көндә өлкәдә актуаль булган сорауларны биреп, ачык җавап алдылар.
Рәүфә КАНГАЗИНА.
