«КАЛӘМЛЕ СЕБЕР - 2025» конкурсы

Подробности

Опубликовано 10.04.2025 16:56

Просмотров: 130

«Каләмле себер» конкурсын үткәрү турында НИГЕЗЛӘМӘ

Гомуми нигезләмәләр

1.1. «Каләмле себер» конкурсының оештыручылары – Төмән өлкәсе татар конгрессы, «Себер татар дөньясы».
1.2. Конкурс турында нигезләмә «Себер татар дөньясы» телеграм-каналында, Вконтакте социаль челтәрендә урнаштырыла.
1.3. Конкурста җиңүчеләргә дипломнар һәм бүләкләр тапшырыла;
Конкурсның максаты һәм бурычлары:
1.4.Конкурсның максаты – яшь шагыйрьләрне, язучыларны ачыклау, иҗади сәләткә ия булган талантлы мәктәп укучыларын барлау;
1.5.Яшь укучыларда татар әдәбиятына кызыксыну уяту, татар телен популярлаштыру һәм үстерү;

Конкурсның номинацияләре:

1.6 Конкурс Ватанны саклаучылар елы уңаеннан «Минем өчен герой ул...» темасына проза, очерк, хикәя иҗат итү;
1.7. «Шигыр иҗат итү» (Тема: туган як, туган тел, гаилә, мәктәп, милләт, патриотлык)

Конкурс номинацияләре ике категориядә мәктәп укучылары арасында үткәрелә:

1. 5 – 8 нче сыйныфларда укучылар арасында;
2. 9 – 11 нче сыйныфларда укучылар арасында;

1.8. Һәр номинация буенча I нче, II нче, III нче урыннар билгеләнәчәк.
Конкурсның шартлары һәм таләпләре:

1.9. Конкурста Төмән өлкәсе һәм ХМАО, Ямал-ненец автоном округындагы шәһәрләрдә яшәүче 5-11 нче сыйныф укучылары катнаша ала.

2.1. Конкурска тәкъдим ителгән иҗади эшләр 3 биттән артмаска һәм моңа кадәр язылган, матбугатта, сооциаль челтәрләрдә бастырылмаган булырга тиеш.
2.2 . Катнашучыларга «Себер татар дөньясы» телеграм каналына һәм Вконтакте челтәренә язылу таләп ителә.
2.3. Конкурска старт 2025 нче елның 20 нче гыйнварында бирелә. Иҗади эшләр 18 нче апрельгә кадәр Этот адрес электронной почты защищен от спам-ботов. У вас должен быть включен JavaScript для просмотра. электрон адресы буенча кабул ителә. Нәтиҗәләр 26 нче апрельдә ясалачак.
2.4. Конкурс эшләрен мәртәбәле жюри әгъзалары бәяләчәк.

Җиңүчеләрнең исемнәре «Себер татар дөньясы» социаль челтәрләрендә игълан ителә. Җиңүчеләрне бүләкләү көне турында «Себер татар дөньясы»нда хәбәр ителәчәк.