Апрель 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Төмән шәһәренең Орджоникидзе урамындагы «Башня» яшьләр резиденциясендә «Илһам Шакиров: бөек халык җырчысы» документаль фильмы күрсәтелде. Тамашаны Бөтендөнья татар конгрессының Төмән өлкәсендәге вәкиллеге оештырды.
Фильмның режиссеры - журналист, драматург Рәдиф Кашапов.
Илһам Шакиров - легендар татар җырчысы, татар эстрадасының «сандугачы». Җырчының тормышы турында аның туганнары, хезмәттәшләре, дуслары истәлекләре аша фильм ясаучылар тамашачыларга тәэсирле һәм кызыклы хикәя тәкъдим итә.
Фильмда Илһам Шакировның җырлары яңгырый. Авторлар балачак, яшь чагын, консерваториядә уку, филармониядә эшләү чорларына кагыла. Илһам Шакировның татар халык җырларына һәм татар теленә мәхәббәте күрсәтелә. Бөек җырчы Советлар Союзы буйлап күп гастрольләрдә йөри. Ул безнең Төмән шәһәрендә дә булды.
Фильмда шулай ук СССР таркалганнан соң барлык артистларга авыр булган чор да яхшы күрсәтелә. Шулай ук авторлар Илһам абый тормышының соңгы еллары турында сөйлиләр.
Тамаша тәмамлангач, залда бөек кешегә хөрмәт итеп алкышлар яңгырады, тамашачылар канәгать калдылар.
Гөлназ УСМАНОВА, Төмән шәһәре.
