Россиянең атказанган укытучысы

Подробности

Опубликовано 16.04.2021 00:00

Просмотров: 488

УКАЗПРЕЗИДЕНТА РОССИЙСКОЙ ФЕДЕРАЦИИ

За заслуги в педагогической и воспитательной деятельности, многолетнюю добросовестную работу присвоить почетное звание:

«ЗАСЛУЖЕННЫЙ УЧИТЕЛЬ
РОССИЙСКОЙ ФЕДЕРАЦИИ»

МУЛЛАЧАНОВОЙ Гузалии Халиловны, учителю муниципального автономного общеобразовательного учреждения Чикчинская средняя общеобразовательная школа имени Х.Х.Якина Тюменского муниципального района Тюменской области.

Президент Российской Федерации В.Путин.

Москва, Кремль, 29 марта 2021 года, № 182

Гүзәлия Хәлил кызы - Төмән районының данлыклы Шыкча урта мәктәбендә 30 еллап балаларга туган тел, әдәбиятыбыз нигезләрен өйрәтә. Эш тәҗрибәсендә заманча педагогик фән казанышларын һәм мәктәптә туган телне һәм әдәбиятны укыту методикасын оста куллана. 25 ел буе туган тел һәм әдәбият укытучыларының район методик берләшмәсе эшен җитәкли. Ул «Иң яхшы татар теле һәм әдәбияты укытучысы» өлкә конкурсының 3 тапкыр абсолют җиңүчесе. «Мәгариф» өстенлекле милли проекты кысаларында (2007, 2011, 2018 еллар) Төмән өлкәсенең иң яхшы укытучылары арасында акчалата бүләк алу бәйгесендә 3 мәртәбә җиңү яулаучы бердәнбер мөгаллимә дә әле.

Гүзәлия Муллачанова 2011 елдан Төмән районының мәгариф өлкәсендәге инновацияләр буенча эксперт советы, шулай ук татар теле буенча төп дәүләт имтиханының тикшерү комиссиясе әгъзасы ул, 2019 елда педагогик эшчәнлектә иң яхшы укытучыларга премияләр бирү буенча өлкә комиссиясе әгъзасы булды.

Кыскасы, Гүзәлия Хәлил кызы башкарган эшләрне түкми-чәчми санап чыгуы күп урын алыр иде. Алар турында соңрак язарбыз. Шулай ук, ул ирешкән уңышларның нәтиҗәләре – Мактау грамоталары, Рәхмәт хатлары, кубоклар, төрле исемнәр, билгеләр – исәпсез. “Россиянең атказанган укытучысы” булу – югары баскычка аяк басу инде ул! Котлыйбыз сине зур хәрефле УКЫТУЧЫ! “Яңарыш” хәбәрчесе булуың белән горурланабыз!

Гөлнур ВӘЛИЕВА.