Апрель 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Син яшәмә җирдә файдасыз бер,
Түмгәк булып тигез урында.
Ятып калсын гомерең маяк булып,
Үзеңнән соң килгән буынга.
Муса Җәлил.
Таштимер Абдразаков Яңа Кәешкүл авылында күп балалы гаиләдә туып-үсә. Ул үзенең туган авылын, җиләкле, гөмбәле, чәчәкле матур урманнарын бик ярата.
Армия сафларына алынганчы, колхозда тракторчы булып эшли, бик актив була, чаңгы ярышларында катнашып, район буенча югары урыннар яулый, грамоталар белән бүләкләнә.
Таштимер Нәбиулла улы Армиядә Кытай границасы буенда чик сакчысы булып хезмәт итә, медальләр белән бүләкләнә. Армиядән кайткач, балыкчылар бригадасы оештырып, төрле күлләргә йөреп балык тоталар.
Күп еллар урман хуҗалыгында урманчы булып эшли, бригадалар җыеп урманнар утырталар.
Ул киң күңелле, туры сүзле, таләпчән, кайда гына булса да, гел алдынгылар рәтендә. Тырыш хезмәте, гомер юлында ирешкән уңышлары авыл яшьләренә үрнәк булырлык. Хезмәт ветераны, инде олы яшьтә булуына карамастан, авыл тормышы да аны битараф калдырмый, мәрхүм булган авылдашларын соңгы юлга озатуда һәрвакыт катнаша, зиратларда тәртип сакларга өйрәтә. «Яңарыш» газетасын да көтеп алып башыннан ахырынача укып бара.
Озакламый аңа 70 яшь тула. Янәшәсендә һәрвакыт тормыш иптәше, балалары, якын дуслары, туганнары булсын.
Әминә КӘРИМОВА,
Яркәү округы, Яңа Кәешкүл авылы.
Рәсемдә: Абдразаковлар.
