Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Губернатор Бөек Ватан сугышы ветераны Сәетгали Җәләловны туган көне белән котлады.
Ул Түбән Тәүде районы, Эске авылында туган. 1945 елда ант кабул итеп, мотоукчылар гвардия полкының беренче ротасы автоматчысы булып фронтка китә. Будапешт һәм Венаны азат итүдә катнаша. II дәрәҗә Ватан сугышы ордены һәм медальләр белән бүләкләнә.
Сугыштан соң Сәетгали Вәли улы туган ягы Төмән өлкәсенә хезмәт итә. 45 елдан артык «Главтюменьгеология»дә машина йөртүче булып эшли. 1990 елда пенсиягә чыга. Хезмәттәге уңышлары өчен Хезмәт Кызыл Байрагы ордены белән бүләкләнә.
«Сәетгали Җәләлов тыныч вакытта да каһарман була. Лаеклы ялга чыккач, ветеран укучыларны һәм яшьләрне хәрби-патриотик тәрбияләүдә актив катнаша, мәктәпләрдә Батырлык дәресләрендә чыгыш ясый. Нәкъ менә шундый якташлар хөрмәтенә без 2025 елны Төмән өлкәсендә геройлар елы дип игълан иттек. Котлауларга кушылып, ныклы сәламәтлек телим», - диде өлкә губернаторы Александр Моор.
Сәетгали Вәли улының ике баласы, ике оныгы һәм өч оныкчыгы бар.
Өлкә мәгълүмат үзәге язмасын кулланып
Гөлнур ВӘЛИЕВА әзерләде.
