Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Шундый исем белән Төмән районында яшь гаиләләр өчен туризм буенча слет оештырдылар. 12 май көнне Каскарага районның 10 хакимиятеннән катнашучылар җыелды. Гаиләләр иҗади рәвештә үзләре белән таныштырырга, спортта көч сынашырга, туризм юнәлешендә үзләрен сынарга тиешләр иде. Бу чарада милләттәшләребез дә катнаштылар. Аларның берсе – Талымхан авылында яшәүче Мәхмүтовлар гаиләсе. Икенче балалары кечкенә булу сәбәпле, ярышның шартында язылганча, алар туганнары Илъяр Мөхәммәдъяров белән бергә килгәннәр.
- Слет безгә бик ошады, туризм турында күп яңа мәгълүматлар алдык. Бигрәк тә балалар яраттылар. Лабиринтларда йөрдек, халык уеннарында катнаштык. Сәяхәткә рюкзак тутырдык. “Россия мәктәп укучылары хәрәкәте” кураторы буларак, зур тәҗрибә тупладым. Башка гаиләләр белән таныштык”, - дип сөйләде Руфилә Мәхмүтова. Яшьтән үк актив кызның волонтерлар хәрәкәтендә әйдәүче булуы бик урынлы. 
Мәктәптә алар төрле акцияләр үткәрәләр, квестлар оештыралар. Шулай ук ветераннарга булышалар, китапханәдә ярдәм итәләр. Хәрәкәт әгъзасы һәркайсы башкарган эшен аерым дәфтәргә язып бара.
Элекке тимурчыларга алмашка килгән заманча “Россия мәктәп укучылары” хәрәкәте 4 юнәлешне үз эченә ала: шәхси үсеш, гражданнар активлыгы, хәрби-патриотик юнәлеш, «Зур мәктәп редакциясе» – мәгълүмати-медиа юнәлеш. Бу зур мөмкинлекләр бирә торган, ил күләмендә чараларга, вакыйгаларга юл ача торган хәрәкәт.
Гөлнур ВӘЛИЕВА.
