Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Иртәгә Бөек Ватан сугышында илебезнең батыр халкы Җиңү яулаганга да 75 ел булачак. Дөнья халкының барлык уй-планнарын чәлпәрәмә китергән коронавирус әлеге кадерле бәйрәмебезне дә бергәләшеп үткәрү мөмкинлеген юкка чыгарды. Тик бу бәйрәм – бер генә гаиләне дә читләтеп үтмәгән сугыш афәтләреннән котылган көн һәркайсыбызның күңелендә. 9 майны ел саен күз яшьләре аша шатлык хисләре белән каршы алабыз. Быел да интернет битләрендә сугыш, Җиңү темасына шигырьләр, әсәрләрдән өзекләр уку, җырлар башкаручыларны, туганнарының рәсемнәрен тотып онлайн “Үлемсез полк”та катнашучыларны еш очратырга туры килә.
“Яңарыш” исеменнән, ветераннарыбыз белән бергә, барлык укучыларыбызны да Бөек Җиңүнең 75 еллык юбилее белән чын күңелдән тәбриклибез. Зур югалтулар белән ирешкән тыныч тормышта һәр туган көнгә сокланып, матур киләчәгебез өчен үзебездән өлеш кертеп, батырларыбызны һәрвакыт истә тотып, туган телебезне онытмыйча яшәргә насыйп булсын! Бәйрәм көне уңаеннан, «Яңарыш»ыбызның 30 еллык юбилеен да истә тотып, Бөек Ватан сугышы каһарманнары - хәбәрчеләребез аллеясын тәкъдим итәргә булдык. Алар һәрвакыт безнең күңелдә!
