“Үлемсез полк” акциясе Төмәндә

Подробности

Опубликовано 18.05.2018 00:00

Просмотров: 488

Төмән өлкәсендә Бөек Җиңүнең 73 еллыгына багышланган парадта ”Үлемсез полк” акциясендә 140 меңгә якын кеше катнашты. Аларның 80 меңе илебезнең азатлыгы өчен көрәшкән якыннарының фотосурәтләрен тотып, “Ура!” кычкырып, сугыш чоры җырларын башкарып, Төмән шәһәренең Республика урамы буйлап атлады. Алдагы еллардан аермалы буларак, быел парадка гармун, авыз гармуны, баян, төрле фото һәм видеотехник чаралар алып чыгарга да рөхсәт ителде. Парадка күпләр онык-набәрәләре белән килделәр. Кайбер балалар велосипед һәм самокатларда бардылар. Соңга калганнарны волонтерлар “Үлемсез полк” сафына кертә бардылар. Шунысы мөһим: елдан-ел “Үлемсез полк” акциясе колачлырак масштабта һәм күтәренкерәк рухта уза.

Рәүфә КАНГАЗИНА.