Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән шәһәрендә “Кызыл якут (рубиновый) микрофон” ветераннар клублары һәм иҗтимагый оешмаларының үзешчән иҗат фестиваль-бәйгесе быел 9 мәртәбә, 14-16 май көннәрендә үтте. Жюри әгъзалары чыгышларны 3 төркемгә бүлеп карадылар. Шәһәрнең төрле мәдәният йорты каршында эшләүче 30 ансамбль арасында 31 ел сәхнәдән милләттәшләребезне матур, моңлы, шаян җырлары белән сөендереп торган “Дуслык” җыр ансамбле дә катнашып, 1 нче дәрәҗәдәге Лауреат исемен яулады. Һәм, гармунда рус, татар, башкорт бию көйләрен башкарып, махсус бүләккә лаек булган Әсмабикә Мирхәйдәрова белән Дамир Ульдановка 23 майда узган Гала-концертта чыгыш ясарга насыйп булды. Сайлау турын лаеклы рәвештә үтеп финалга чыккан бердәнбер татар төркеменең шундый уңышларга ирешүе - безнең өчен зур казаныш ул.
Белгәнебезчә, моннан 5 ел элек Хәким Мирхәйдәров җитәкләгән “Дуслык” халык җыр ансамбле әлеге бәйгедә Гран-при яулаган иде. Ә ансамбльнең 25 еллыгын бәйрәм иткәннән соң алар өлкә хакимияте, өлкә татар милли-мәдәни автономиясе,“Орфей” мәдәният йорты ярдәме белән Казан шәһәренә барып “Яңа гасыр” каналы оештырган “Җырлыйк әле” телетапшыруында катнаштылар.
(Тулырак мәгълүматны “Яңарыш” битләрендә укырсыз).
Рәүфә КАНГАЗИНА.
