Июнь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
12нче июнь көнне Төмән шәһәренең Төсле бульварында милләтләр эшләре буенча өлкә комитеты, өлкә мәдәният департаменты, иҗтимагый оешмалар һәм өлкә милли-мәдәни автономияләре, шәһәрнең “Төзүче” милләтләр йорты оештыруында “Дуслык күпере” 23нче өлкә фестивале узды.
Анда 23 милли-мәдәни автономия һәм иҗтимагый оешмалары катнаштылар. Бәйрәмгә җыелган халыкны котлап өлкә губернаторы Владимир Якушев, өлкә иҗтимагый палатасы рәисе Геннадий Чеботарев, шәһәр башлыгы Александр Моор, Төмән сәнгать институты ректоры Игорь Шишкин чыгыш ясадылар һәм халык белән бергә Россия имнын башкардылар.
Аннары хөрмәтле кунаклар жюри әгъзалары белән бульвар мәйданы буйлап урнашкан милли “йорт”ларда булып, һәр халыкның милли йолалары, аш-сулары, һөнәри осталыклары белән якыннан таныштылар. Шул ук вакытта Төсле бульварның ике концерт мәйданчыгында концерт программасы барды. Татарларны өлкә татар милли-мәдәни автономиясе һәм өлкә татар Конгрессы Төмән шәһәр татар мәдәният үзәге, “Себертатарлары” Төмән шәһәр милли-мәдәни автономиясен үз канаты астына алып, тәкъдим иттеләр. Автономиялеләр 40ка якын татар ашлары, Тубыл районы, Арткыавылы остакбикәләре – Хәлидә Багишева белән Роза Мостафинаның кул эшләрен һәм Төмән шәһәре “Этнос” балалар үзәге укучыларының иҗади кулланма сәнгать эшләреннән күргәзмә әзерләгәннәр иде. Ә конгресслылар “йорт”ында ООО "Социальные предприниматели"ның “Әбием” проекты үзләре теккән түбәтәйләрне тәкъдим итеп, мастер-класс үткәрделәр. “Өлкә татар яшьләре бердәмлеге” оешмасы “Мин татарча сөйләшәм” акциясен уздырды. Җыр-моң кичке сәгать 8кә хәтле дәвам итеп, 3000гә якын кеше бәйрәм итте.
Рәүфә КАНГАЗИНА.
