Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
«Агротеховощ» предприятиесе Ямбай муниципаль берәмлеге кырларында беренчеләрдән булып Төмән районында яшелчә утыртуны тәмамлады.
110 гектарда бәрәңге, 77 гектарда кәбестә, чөгендер, кишер һәм суган утыртылган. Яшелчә үстерүчеләр коллективы элек тә чәчү кампаниясе лидерларының берсе иде, ә быел башкала хуҗалыклары арасында импровизацияләнгән ярышта җиңүче булды. Авыл хезмәтчәннәрен котларга өлкә Думасы депутаты Юрий Конев, район башлыгы урынбасары Виталий Беспалов, район думасы рәисе Валентин Клименко килгән иде. Алар предприятие хезмәткәрләренә яхшы һава торышы, мул уңыш һәм лаеклы хезмәт хакы теләделәр. «Яшьлек» мәдәният һәм ял үзәгенең «Рус җыры» ансамбленең зур булмаган концерты, Төмән районы АПК хезмәткәрләре профсоюзыннан Мактау грамоталары игенчеләрне сөендерде.
«Агротеховощ» директоры Тимур Корманов сүзләренә караганда, аграрийларга мондый игътибар – аларның җиңел булмаган хезмәтенә - теләсә нинди бүләкләрдән дә кыйммәтрәк.
Төмән районында язгы чәчү кампаниясе ахырына якынлаша: 26,5 мең гектарның 21 мең гектары чәчелгән, узган ел бу көнгә яртылаш кимрәк булган. А.А.Созонов исемендәге «Боровская» кошчылык фабрикасы, «Червишевский» совхозы, «Луговская» Мальковское, “Рощинский” хуҗалыклары, фермерлар алдынгылар рәтендә.
Төмән районы башлыгы матбугат хезмәте.
(Гөлнур ВӘЛИЕВА тәрҗемәсе).