Тагын бер “Дуслык күпере” салынды

Подробности

Опубликовано 17.06.2019 17:33

Просмотров: 335

Төмәндә Төсле бульварда узган “Дуслык күпере” XXY өлкә фестивале өлкәдә яшәүче дистәләгән мең кешене берләштерде. Фестивальне ачу тантанасы Россия көненә багышланган митинг-концерт белән башланып китте. Артистлар һәм тамашачылар башкарган РФ гимны XXY юбилей "Дуслык“ күпере”нә юл ачты. Кунакларны һәм катнашучыларны милли-мәдәни автономияләр һәм оешмалар лидерлары котлады. Төмән өлкәсе губернаторы Александр Моор, өлкә Думасы рәисе Сергей Корепанов һәм Төмән башлыгы Руслан Кухарук 22 милли йорт ишегалдында булдылар. Быел фестивальнең географиясе Төмән өлкәсенең көньяк шәһәре һәм районнарын үз эченә алган. Катнашу өчен Сургуттан, Яр-Саледан һәм Кыргызстан Республикасыннан кунаклар килде. Үз мәдәниятен руслар, татарлар, казаклар, белоруслар, украиннар һәм молдаваннар, немецлар, чеченнәр, ингушлар, дагыстаннар, грузиннар, чегәннәр, чуашлар, украиннар, әрмәннәр, азәрбайҗаннар, казахлар, кыргызлар, үзбәкләр, таҗиклар, хант, ненецлар, марилар, удмуртлар тәкъдим итте.

Аларның һәрберсе шәһәр халкына үзләренең гореф-гадәтләре, шөгыльләре, тормыш рәвеше, тормыш үзенчәлекләре, Төмән өлкәсенең танылган кешеләре турында сөйләделәр.

Өлкә татар милли-мәдәни, себертатар автономияләре, өлкә татар Конгрессы урнаштырган “ишегалдында” милләтебезнең көнкүреш әйберләрен, киемнәрен, татар ашларын, төрле күргәзмәләр күрергә булды. Өлкәбезнең иң яхшы иҗат төркеме чыгышларын милләттәшләребез яратып карадылар.

(“Тулырак мәгълүматны “Яңарыш” битләрендә укырсыз).

Нәсимә ТАШБУЛАТОВА.