Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Балаларыбыз, оныкларыбыз укуларын тәмамлап, җәйге каникулларга чыктылар. Аларга ел буе белем һәм тәрбия биргән, сәламәтлекләре турында кайгырткан, ашаткан апа-абыйларга рәхмәтләр әйтик.
Җәйге лагерьларга кабул итүләр башланды. Без, әбиләр, урманга гөмбәгә, җиләккә, дару үләннәренә барырга әзерләнеп куйдык. Яшь күршем Рәвисә Мидхәт кызы белән без бергә йөрибез. Элегрәк Сәлимә, Зөләйха, Бүләк апалар баралар иде.
Әти-әниләребез яшьтән ук безне күрше хакының зурлыгын, алар белән дус-тату, ярдәмләшеп яшәргә өйрәткән, халкыбызда электән ук «ут күршем», «тоз күршем» дигән төшенчәләр булган. Бакчалар утыртып, өйдә ремонт эшләрен башлыйбыз. Ял итәргә утырган арада сеңелем Рәхимә Фәрит кызы безне фотога төшерде. Рәсемдә беренче утырганыбыз – Рамилә сеңелем, биш малай анасы, әби дә, янында Рәсимә апа, аннары мин – Нәбирә, дүртенчебез – Кәримә апа. Оныкларыбыз, улларыбыз бүгенге көндә илебезнең чикләрен саклаучылар, Украина җирләрендә хәрби хезмәттә, арабыздан беребез – илебезнең тынычлыгы өчен башын салган Салават Топорковның әнисе.
Без дөньяларга тынычлык телибез, туплар шартламасын, балалар ятим үсмәсеннәр, дошманны җиңеп, егетләребез исән-сау туган йортларына әйләнеп кайтсыннар.
Рәйсә РӘХИМОВА,
Нәбирә АИТОВА,
Төмән районы, Талымхан авылы.
