Июнь 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Матур Түгәрәк күл янында посёлок көне билгеләп үтелде. Быел авылга 251 ел тулды. Бу бәйрәм авыл халкы өчен якыннары, дуслары белән очрашу, рәхәтләнеп җирле һәм күршеләр башкаруындагы чыгышларны тыңлау, спорт һәм милли уеннарда катнашу мөмкинлеге бирде. Балалар батут, таганнарда уйнадылар.
Мәйдан уртасындагы сәхнәдә Төмән округы хакимияте вәкилләре, авыл Үзәк территориаль идарә җитәкчесе урынбасары - Индрәй территориаль бүлеге башлыгы Альберт Алтынгузин бәйрәм белән җылы тәбрикләп, ел буе юбилейларын каршы алган өлкәннәргә, мәгарифтә, укуда, спортта һәм башка өлкәләрдә алдынгыларга бүләкләр тапшырдылар.
Бер чатырда авыл китапханәсе күргәзмәсе булса, икенчесендә музейдагы экспонатлар авыл йорты көнкүрешен тасвирлаганнар иде. Теләүчеләр рәхәтләнеп фоторәсемгә төштеләр.
Әлбәттә, бәйрәмнең иң күркәм вакыйгаларының берсе - милли көрәш булды. Авылда көрәшчеләр җитәрлек.
Килгән һәркем кәнагать калып, ял итеп кайткандыр дип ышанасы килә.
Гөлнур ВӘЛИЕВА.
Рәсемдә: бүләкләү вакытында.
