Газетага язылу 

Календарь 

Июль 2024
Дш Сш Чш Пш Җом Шм Якш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Социаль челтәрләр 

vkodteleico

Электрон почта 

Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.

Как доехать до нас 

Добраться до нас можно на автобусах маршрута:
6, 32, 34, 37, 48,  51, 65, 69, 77, 78, 135к, 135м
(остановка «Автоколонна №-1228», «Школа №-39»)

ул. Шишкова, 6, 2 этаж

Яндекс. Карта

Рәхмәт, әнием!

последние и лучшие новости искусства в мире

Безне үз гаиләсенә алып үстергән, тәрбияләгән, укыткан, эшкә, игелекле гамәлләргә өйрәткән әнибезгә рәхмәтләребезне белдереп, аңа җылы теләкләребезне җиткерергә булдым.

Без әни сүзенең мәгънәсен белми үскән булыр идек. Тирән мәгънәле «Әни» сүзен белеп, әни җылысын тоеп үскәнебезгә без Вагай районының Икенче Вагай авылында яшәүче Мөхәлибә Мөхәммәтуллинага рәхмәтлебез. Игелекле, матур, акыллы, тормышта иң дә кирәкле кеше - әниебез. Ул теләсә нинди авырулардан дәвалаучы, җан яраларыннан шифалаучы, юатучы, безне аякка бастыручы да булды. Әниебезнең исемен мин зур хәрефләр белән генә язар идем. Тәрбиягә алынган гаилә тарихы 2005 нче елда кечкенә игезәк кызлар - Катя белән Настядан башлана. Без җылы йортта, балаларны яратучан ата-аналы гаиләдә үстек. Әти-әниебезнең үз кызлары Айгөл белән Әлмирә апаларыбыз да безне бик җылы каршы алдылар. Безне үз кызларыннан аермыйча үстергән әти-әнигә, апаларыбызга рәхмәт сүзләрен җиткерәбез. Безнең гаиләгә әти-әни җылысына мохтаҗ балалар өстәлде. Зур гаиләбездә бүгенге көндә 13 кыз, бер ул, дүрт онык.

Ишле гаиләдә һәр бала әнинең йөрәк җылысын тоеп, киңәшләрен тыңлап, тормышта кирәк булган эшкә өйрәнеп үскәнебезгә чиксез рәхмәтебезне әниебезгә юллыйбыз. 12 ел ятим балаларны кайгыртып, яхшы тәрбия, игътибар биреп безне үстерде. Әле аякларыбызда нык басып та тормаган, төрле аяныч, кызганыч хәлләрне кичергән сабыйларга күңел һәм йөрәк җылысын бирде. Аның кебек әниләр бик сирәк. Кадерле, сабыр, ярдәмчел, тыйнак, ягымлы тавышлы, яраткан әти-әниебез гаиләнең мәгънәсен, ныклыгын күрсәтеп үстерделәр безне. Апа-сеңелләребез мәктәпне тәмамлап, югары уку йортларына, колледжларда укырга керсәк тә, әти-әнинең йортын ташларга, аларны онытырга уебызга да керми. Алар безне көтә, безне бу йортта ачык йөз, җылы караш белән каршылыйлар. Еллар уза, без үсәбез, әниебезгә 65 яшь тулса да, ул безнең өчен иң дә якын, хөрмәтле кеше. Без, тәрбиягә алынган аның балалары, чын күңелебездән әниебезгә бәхетле озын гомер телибез. Әниебез һәрвакыт матур булып, картаймыйча озак яшәсен. Киләчәктә дә янәшәбездә булып, сынауларны, шатлыкларны уртаклашып, бала–оныкларының игелеген күреп яшәргә язсын.

27-4

Катя АШИРБАКИЕВА,

Вагай районы, Икенче Вагай авылы.
(Римма Умитбаева тәрҗемәсе).
Рәсемдә: Мөхәлибә Мөхәммәтуллина гаиләсе белән.

Качественная укладка линолеума или как сделать правильно прикатку линолиума
#fc3424 #5835a1 #1975f2 #2fc86b #fbeac9 #eef8239 #241013141836