Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
20 июнь көнне, Хәтер һәм кайгы көне алдыннан, Ялутор районы Кулик авылында Аслана күчмә мәдәният үзәге тарафыннан митинг үтте. Анда 84 ел элек Бөек Ватан сугышы башлану белән беренче чакыру буенча фронтка киткән, дошманга каршы сугышып яу кырында мәңгегә ятып калган һәм җиңү яулап туган авылларына кайткан сугыш ветераннарын искә алдылар. Митингта Бөек Ватан сугышында катнашучыларның балалары, онык-нәбәрәләре катнашты. Алар якыннарының батырлыгын бер минут тынлык белән искә алдылар, һәйкәлгә чәчәкләр салдылар. Кулик авылында яшәүчеләрнең, сугышта катнашучыларның батырлыгы турында Наилә Барсукова сөйләп: «Без илебез өчен гомерләрен биргән, Бөек Ватан сугышы елларында үлемсез батырлыклары Бөек Җиңүгә таба героик юл салган һәркемне истә тотарга тиеш», - дип сүзен йомгаклады.
Ватанны саклаучылар һәм тыл хезмәтчәннәре истәлегенә «Без бу хәтергә тугры» дигән концерт оештырылды. Авыл халкы концертта катнашучылар белән бергә халык җырларын җырлап утырдылар. Кичә барышында авылның мактауга лаеклы гаиләләрне - Рәбига һәм Хәлит Мәзгутовлар, Венера һәм Батырҗан Биктимировлар, Зәйтүнә һәм Рушан Магжановлар, Әлфия һәм Якуб Бахметовлар, Наталья һәм Сергей Барсуковлар, шулай ук авыл үсешенә зур өлеш кертүче Әлфия Хәбибуллина, Роза Бахметова, Сания Гайсинаны билгеләп үттеләр. Митингта катнашучы балалар өчен танып белү викторинасы һәм уен программасы оештырылды.
Наилә БАРСУКОВА,
Ялутор районы, Кулик авылы.
(Рәүфә Кангазина тәрҗемәсе).
