Июль 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Акъяр авылы клубына ветераннар советы рәисе Фәрхәт Мотоголла улы Хәмидуллинның ярдәме бик зур. 7 июльдә аңа 73 яшь тулды. Сигезенче дистәне ваклый башлауга карамастан, ул бар кешегә ярдәм кулы сузарга әзер. Һәркем белән дә уртак тел таба, сабыр холыклы, беркайчан да тавышын күтәрми. Авыл халкының күп проблемалары аның ярдәме белән чишелә.
Чыгышы белән Фәрхәт абый Акъяр авылыннан. 1951 елдан 1958 елга кадәр Акъяр җидееллык мәктәбендә укып, 1958-1961 елларда Червишево урта мәктәбен тәмамлаганнан соң, Ишим авыл хуҗалыгы техникумына укырга керә. 1967 елда Әлфирә апа белән гаилә корып, 3 бала тәрбияләп үстерәләр. Хәзер алар 5 оныкларын тәрбияләшәләр. 1976 елдан 2003 елга кадәр Сургут шәһәрендә гомер итәләр. Соңыннан туган якларына кайтып төпләнәләр. Бүгенге көндә ул җәмәгать эшләрендә актив катнашып, авыл халкы белән җылы мөнәсәбәттә яши. Фәрхәт абыйның сабыр холкы авыл эшмәкәрләре белән элемтәне ныгыта.
Спонсорларыбыз Гомәр Шәвәли улы Шаматов һәм Альберт Виссарион улы Хәмидуллинның матди ярдәме белән Фәрхәт абый 20 пенсионерны “Яңарыш” газетасына яздыра. Фәрхәт абый белән Әлфирә апа үзләренең акыллы киңәшләре, саф күңелләре, эчкерсезлекләре белән җәмәгать эшләрендә һәм авыл тормышында да зур булышлык итәләр. Аларга тормышларында зур уңышлар, сәламәтлек телибез. Шушындый сабыр холыклы, тыйнак, акыллы остазларыбыз булганда мәдәниятебез югалмас, бердәм яшәрбез.
Зур рәхмәтебезне белдереп Акъяр мәдәният йорты һәм китапхәнәсе хезмәткәрләре исеменнән
Фирдания ИХСАНОВА,
Розалия КӘРИМОВА,
Роза КАЗАКЕЕВА.