Котлыйбыз

Подробности

Опубликовано 10.07.2020 00:00

Просмотров: 495

Төмән өлкә Думасы депутаты, алтынчы чакырылыш Төмән өлкә Думасының дәүләт корылышы һәм җирле үзидарә комитеты рәисе Фоат Гани улы Сәйфитдиновка 6 июльдә 70 яшь тулды.

Ул Ханты-Манси автоном округында туган. Белеме - югары, 1972 елда «нефть һәм газ эшкәртүнең химик технологиясе» белгечлеге буенча Төмән индустриаль институтын тәмамлап, «инженер химик-технолог» квалификациясе алып чыккан. Аннары Россия Федерациясе хөкүмәте каршындагы халык хуҗалыгы академиясендә белем алып «Дәүләт идарәсе магистры» квалификациясенә ия булган. Социология фәннәре кандидаты.

Хезмәт эшчәнлеген Омск нефть эшкәртү заводында башлаган. Армиядә Ерак Көнчыгышта хезмәт итә.

1975 елдан бирле Ямал-Ненец округында партия органнарында, тау геологиясендә эшли. 1994 елда Төмән өлкә Думасының беренче чакырылыш депутаты итеп сайлана, аның рәисе урынбасары итеп билгеләнә.

1999 елдан - Ямал-Ненец автоном округы хакимиятендә: губернатор урынбасары, беренче урынбасары, вице-губернатор. 2007 елдан - дүртенче чакырылыш Төмән өлкә Думасы депутаты, 2011 елда - бишенче чакырылыш депутаты, анда дәүләт корылышы һәм җирле үзидарә комитеты рәисе булып эшли башлый.

«БАМ төзелеше өчен» (1981 ел), «Көнбатыш Себер нефть-газ комплексын үзләштерү һәм үстерү өчен» (1986 ел), II дәрәҗә «Ватан алдындагы казанышлары өчен» ордены медале (2011 ел), «Ямал каршындагы казанышлары өчен» аерым хөрмәтләү билгесе (2014 ел) белән бүләкләнгән. Дәүләт хакимияте һәм җирле үзидарә органнарының һәм ягулык-энергетика комплексының мактаулы хезмәткәре.

«Өлкән буын», «Шахмат, мәктәп һәм балалар бакчалары» партия проектлары координаторы.

Хөрмәтле Фоат Гани улы Сәйфитдиновны матур юбилее белән тәбрикләп, нык сәламәтлек, озын гомер, авыр, катлаулы, җаваплы эшендә уңышлар, гаилә бәхете телибез.

“Яңарыш” газетасы редакциясе,
“Әдәби Төмән” иҗат берләшмәсе әгъзалары.