Яңалык

Подробности

Опубликовано 24.07.2020 00:00

Просмотров: 417

 Тюменской области открыли девятый моногоспиталь для больных COVID-19. Өлкәдә яңа коронавирус авыруы белән авыручылар өчен тугызынчы моногоспиталь эшли башлады. Ул Омутинка хастаханәсе базасында ачылды. Учреждение резервта булган, аны моноинфекция госпиталенә махсус үзгәрткәннәр. Мондый эссе һава торышы һәм башка шартларда Төмән өлкәсе көньягының кайбер районнарында яшәүчеләрне Төмәнгә госпитализацияләү нәтиҗәсез. Шуңа күрә, учреждение Омутинка, Юрга, Аромаш, Голышманово районнарында яшәүче коронавирус инфекциясе белән расланган пациентларны үзендә кабул итәчәк.

* * *

Модульные школы с отделениями для дошколят и ФАПами построят в Вагайском районе. Мәктәпләрнең барчасы да “Мәгариф” милли проектының агач мәктәпләрен алмаштыру буенча өлкә программасына керә һәм ел ахырына кадәр торгызылачак. Алар барысы да модуль конструкцияләрдән торачак. “Касьяновода модульне җыялар инде, Курья поселогында булачак төп мәктәп өчен нигез салалар. Индәр авылында башлангыч мәктәп салу буенча контракт төзелде”, - дип сөйләде Вагай районы хакимияте башлыгы Рамай Сөнгатуллин.

* * *

В Тюменской области заготовка сена перевалила за экватор. Өлкәдә авыл хуҗалыгы хайваннары өчен азык әзерләү актив бара. Хәзерге вакытта өлкә предприятиеләре һәм крестьян (фермер) хуҗалыклары 74 мең тонна печән әзерләгән. Бу – ихтыяҗның 58% ы. Упорово, Исәт, Викулово районнары алда бара. Өлкәдә барлыгы 129 мең тоннага якын печән әзерләү планлаштырыла. Печән хәстәрләүгә өлкәнең 170тән артык хуҗалыгы чыкты. Сенажга 725 мең тонна ихтыяж булганда, төмәнлеләр 246 мең тонна сенаж әзерләгән. Бу барлык күләмнең 34 процентын тәшкил итә. Сенаж әзерләү белән өлкәдә 55 хуҗалык шөгыльләнә. Моннан тыш, хуҗалыклар тарафыннан 79 мең гектарга якын күпьеллык үлән һәм 36 мең гектар табигый үлән чаптырылган.

* * *

Школа реставратора для бойцов поисковых отрядов и школьников открылась в Тюмени. Укуларда эзләнү отрядлары егетләре һәм кызлары, Төмән мәктәпләре укучылары Бөек Ватан сугышы еллары әйберләрен реставрацияләүгә, торгызуга, музей эшләре нигезенә өйрәнәләр. Катнашучылар өчен теоретик һәм практик укулар оештырылды. Балаларга Кызыл армия, формалы кием кию, армияне коралландыру турында сөйләячәкләр. Әйберләрне идентификацияләү, реставрация паспортын оформить итү, шулай ук реставрация төрләре, ысуллары турында лекцияләр үткәреләчәк.

* * *

Сезон клещей. Быел талпаннар һөҗүм итүнең беренче очраклары март башында ук билгеләп үтелгән. Белгечләр моны чагыштырмача җылы кыш белән бәйли. Өлкәдә 12 марттан 1 июньгәчә 12 мең 660 кеше талпан тешләүдән мөрәҗәгать иткән. 2 мең 989ы – 14 яшькәчә балалар. 2020 елның эпидсезон башыннан 1 мең 451 бөҗәк тикшерелгән, 22 (1,5%) талпан энцефалиты антиген вирусы, 748 (51,5%) – талпан боррелиозын китереп чыгаручы табылды. Бүгенге көндә регионда талпанга каршы 4 мең гектар җир эшкәртелгән.

Өлкә хәбәрләрен Диләфрүз ФӘХРЕТДИНОВА әзерләде.