Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Шушы дәвердә күпме гомер кичерелгән, күпме өлкә татарларының тормыш мизгелләре чагылдырылган, күпме кертеле-чыктылы Себер юллары узылган. Куанычлы вакыйгалар, вакытсыз югалтулар, ыгы-зыгылар... Тормыш булгач төрлесе була ул, давыл да чыгып тора, тынлык та урнаша. Ә “Яңарыш”, бернигә дә карамастан үз эшен дәвам итә: 30 ел буена атна саен татар телен яратучы, милләтен хөрмәт итүче укучыларның ишеген шакып сөендереп килә.
Шәхсән үзем өчен бүгенге көн аеруча кадерле. Чөнки үземне “Яңарыш” баласы дип саныйм. Балачак хыялларын чәлперәмә китереп, “Яңарыш” белән милли журналистика дөньясына гына түгел, ә олы татар дөньясына аяк бастым. Абынсам да, егылсам да, киртәләргә очрасам – барысын да җиңеп алга ургылдым, аякта нык басырга, тормышка яңалык кертергә омтылдым, чөнки “Яңарыш”ның миңа баглаган өметләрен акларга тиеш идем. Шушы юлгы сайлаганыма һич үкенмим. Газетаның бүгенге юбилеенда, Ходайга шөкер, диеп, “Яңарыш”ка чиксез рәхмәтләремне юллыйм.
Кадерле коллегаларым, “Яңарыш” хезмәткәрләре!
Ихластан сезне газетаның 30 яшьлек юбилее белән тәбрик итәм! Сез – Төмән өлкәсендә яшәүче татарлар тормышының көзгесе, укучылар күңелендә татар халкына, туган теленә карата олы мәхәббәт тәрбияләүче, татар дөньясының күпкырлы икәнлеген, аның чынбарлыгын яктыртучы милли басма. Сезнең аркылы милләттәшләребез чит төбәкләрдәге татар тормышы белән дә танышып бара. Киләчәктә дә исән-сау, армый-талмый эшләргә насыйп булсын. Эшләрегез һәрвакыт уң булсын, укучылар ай саен артып барсын, күңелләрегез күтәренке, йөзләрегез балкып торсын!
Сезне яратып, иң изге теләкләр белән Мөнирә Сәгыйдуллина, Бөтендөнья татар конгрессы каршында нәшер ителүче “Туган җир. Родной край” журналының җаваплы сәркатибы, Казандагы себер татарлары якташлык җәмгыятенең координаторы.
