«Яңарыш» юбилеена багышланган викторина сораулары

Подробности

Опубликовано 01.08.2025 14:45

Просмотров: 326

1. «Яңарыш»ның беренче саны кайчан чыккан (төгәл көне) һәм аның беренче редакторы кем? Аның турында ниләр беләсез?

2. «Яңарыш»ның бүгенге көндә ничә саны чыкты һәм ул атнага ничә тапкыр укучысына барып ирешә?

3. Газетаның озак еллар үзгәрми әзерләнеп килгән сәхифәләре (рубрика) ниндиләр? Сезгә кайсылары ошый?

4. Бүгенге көндә газетаның баш редакторы кем һәм анда эшләүче журналистларны санап чыксагыз иде.

5. «Яңарыш»та беренче әсәрләре бастырылып, шуннан рухланып китаплар чыгару дәрәҗәсенә җиткән кемнәрне беләсез?

6. Өлкәдәге татар газетасының иң актив хәбәрчеләре дип кемнәрне атар идегез?

7. «Яңарыш» редакциясе каршында хәбәрчеләрне туплаган нинди оешма эшли? Ул кайчан оешкан?

8. Редакция коллективы яулаган нинди дәрәҗәле бүләкләрне беләсез?

9. 35 ел эчендә «Яңарыш» газетасы юбилейларына багышланып чыккан җыентыклар турында язарга: алар ничә, исемнәре һәм кайсы елларда бастырылганнар?

10. «Яңарыш» дуслары арасында якташларыбыз - Татарстан Республикасының Габдулла Тукай исемендәге дәүләт премиясе лауреатлары ничә һәм кемнәр?

11. Редакциядә кунакта булган Татарстан Республикасының күренекле шагыйрь-язучыларыннан кемнәрне беләсез?

12. «Бирешмә, сакла газетаны!» җыентыгын кем әзерләгән, кайсы юбилейга багышланып чыгарылган һәм ни өчен шундый исем бирелгән?

13. «Шигърият» рубрикасында бастырылып килгән өлкәбез шагыйрь-шагыйрәләрен санап китегез.

14. Төмән язучыларының нинди әсәрләрен беләсез?

15. «Яңарыш»ның девизы нинди?

Уңышлар сезгә!

Редакция.