Яңалык

Подробности

Опубликовано 16.08.2019 00:00

Просмотров: 371

Александр Моор: в регионе появляются новые точки для спортсменов и физкультурников. “Демография” һәм “Торак һәм шәһәр мохите” региональ милли проектларны реальләштерү кысасында, Төмән өлкәсендә физик культура һәм спорт белән шөгыльләнү өчен инфраструктура актив үсә. Мәсәлән, 31 июльдә Ишимда “Локомотив” стадионы базасында футбол кыры ачылды. Шулай ук Ишимда 2020 ел азагында бу шәһәр федераль грант яулаган акчага “Комфорт шәһәр мохите” Бөтенроссия конкурсы нәтиҗәсе буенча бульвар төзү кысасында заманча спорт мәйданы булачак. 2018 ел нәтиҗәсе буенча регионда 605 мең (43,5%) кеше спорт һәм физик культура белән шөгыльләнә.

* * *

Капитальный ремонт идет в учреждениях образования Тюменского района. Төмән районында бер мәктәптә һәм балалар бакчасында капиталь ремонт бара. Калган 11 мәгариф учреждениесендә ремонт өлешчә эшләнә. 1 сентябрьгә Каскара авылында мәктәп тулысынча яңарачак. Анда 1 мең 285 бала парта артына утырачак. Былтыргы уку елы белән чагыштырганда 60 кешегә күбрәк. Монда коммуникацияне, җылыткычны, су белән тәэмин итүне, канализацияне, электр челтәрен алыштырдылар. Мәктәптә 4 яңа кабинет, җыештыручыга, кызлар өчен гигиена бүлмәләре ясалды. Ашханәдә бер үк вакытта 260 укучы тукланачак.

* * *

Заключен контракт. Төмәннең Кырынкүл авылында мәктәп төзү буенча “Стройимпульс” компаниясе белән контракт төзелде. Булачак мәктәп 8 мең квадрат метр мәйданны биләячәк. Проект вакыты – 16 ай. Бина уку һәм гомуми блоклардан торачак. Аларда башлангыч һәм югары сыйныфлар укучылары өчен уку кабинетлары, спорт бүлмәләре, административ кабинет, медицина блогы, 130 кешегә ашханә һәм башкасы урнашачак. 2019 елда өлкәдә өч яңа мәктәп ачыла – Төмәндә, Заводоуковскта, Тубылда.

* * *

АрМИ–2019: команда России победила в финале “Безопасного маршрута”. V Армия халыкара уеннар кысасында Төмәннең югары хәрби-инженер команда училищесында узган «Куркынычсыз маршрут» инженерлар гаскәрләре конкурсының финал ярышларында Россия командасы җиңүче булды. Икенчене Беларусь Республикасы яулады, өченче урынны Вьетнам Социалистик һәм Үзбәкстан Республикалары бүлештеләр. Җиңүчеләргә һәм призлы урыннар алучыларга өлкә губернаторы Александр Моор һәм Россиянең кораллы көчләре инженер гаскәрләре начальнигы генерал-лейтенант Юрий Ставицкий бүләкләр тапшырдылар. “Безне җылы каршы алулары, шундый зур масштабта турнир үткәрүдә булышулары өчен губернаторга, өлкә хөкүмәтенә зур рәхмәт,” - диде Юрий Ставицкий.

Өлкә газеталарыннан хәбәрләрне Диләфрүз ФӘХРЕТДИНОВА туплады.