Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Газиз милләттәшләр!
Мин сезне чын күңелдән “Яңарыш” газетасының 30 еллыгы уңаеннан Бөтендөнья татар Конгрессы исеменнән сәламлим һәм котлыйм.
“Яңарыш” газетасы Себер төбәгендәге халкыбызның яшәешен һәм анда барган вакыйгаларны, яңалыкларны гына түгел, ә гомумән, татар дөньясында, Татарстандагы яңалыкларны җиткерүче төп матбугат чараларының берсе булып тора. Әлеге басма озак еллар дәвамында Азат абый Сәгыйтов мөхәррирлегендә чыкты.
Ул аның өчен гадәти мөхәррирлек кенә түгел, ә бөтен күңелен, җанын биреп эшли торган эш иде. Хәзер аның эшен Алсу Сәгыйтова дәвам итә. Әлбәттә, аларга аерым рәхмәтләремне җиткерәсем килә. Шулар белән беррәттән, газетаның хезмәткәрләренә, хәбәрчеләренә һәм, әлбәттә, укучыларыгызга зур рәхмәтләребезне белгертәбез. Алга таба да зур өметләр уятып, татар дөньясындагы булган вакыйгаларны, хәбәрләрне укучыларыбызга, халкыбызга җиткерергә язсын. Матур язмалар көтеп калабыз. Бәйрәм белән!
Бөтендөнья татар Конгрессы башкарма комитеты
җитәкчесенең беренче урынбасары Данис ШАКИРОВ.
