Сентябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Тубылда һөнәрчелек берләшмәләрендә 200 дән артык осталар бар. Алар тубыллыларны һәм шәһәр кунакларын мәдәни чараларда иҗат җимешләре белән таныштыралар, сатып алучыларга тәкъдим итәләр. Туган якларын яраткан осталарның шәһәрдә узган ярминкәләрдә үзләре белән сөяк, керамика, агач һәм тукымалардан үз куллары белән ясалган сувенирлары игътибарга лаек. Себернең башкаласында якташлары да аларны яхшы беләләр. Шәһәрдә күпләргә таныш булган Оксана Нәзимова белән мәдәни чараларда еш очрашабыз. Аның белән милли бәйрәмнәребездә уздырылган ярминкәләрдә таныштык.
Оксана: «Минем иҗатым гаиләм белән бәйле. Ярминкәләргә дә бергә чыгабыз. Бүген тормыш иптәшем янымда. Мин күп балалы, бөтен җиргә өлгерергә тырышкан әни. Без бердәмлекне, киңәшләшеп эшләүне яратабыз. Кызым мине чәч бизәкләре ясарга илһамландырды. Шәһәрнең матур, тарихи урыннары төшерелгән футболкалар да сатабыз. Улым фотога төшерергә ярата. Ул фотоаппаратына төшергән рәсемнәрне мин үземнең иҗатымда кулланам. Шәһәрдә узган бәйрәмнәрдә, Сабан туенда үткәрелгән ярминкәдә ел саен катнашабыз. Монда халык белән, иҗатташ дусларыбыз белән аралашабыз. Гомумән, шәһәр кунаклары белән турыдан-туры аралашып, аларның теләкләрен, тәкъдимнәрен тыңлау безнең өчен мөһим. Милли рәсемнәр, язмалар белән төшерелгән кружка, брелоклар, футболкаларны сатып алучылар бар», - дип сөйләде Оксана ханым. Тормыш иптәшенең бабае татар кешесе булганга безнең «Яңарыш»ны да яздыралар.
Ярминкәләр оештыру элек-электән килгән, халкыбызның матур бер йоласы, традициясе булып калган. Тубылда һәрвакыт сатучылар, сатып алучылар да күп була. Һәркем күңеленә хуш килгән сувенир сайлый, истәлеккә алып кайта ала.
Римма Умитбаева.
