Ноябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Илебез халкы октябрь башында Өлкәннәр көнен уздырды.
Бу көнне мактауларга, хөрмәткә, ихтирамга лаеклы күп авырлыклар күргән, сынаулар кичергән өлкән буын вәкилләрен һәр мәктәптә хөрмәтләп каршы алдылар. Игелек һәм хөрмәт көнендә Тубыл шәһәренең 15 нче мәктәбендә хезмәт һәм тыл ветераннары, ветеран укытучылар өчен зурлап бәйрәм чаралары оештырылды. Мәктәп укучылары кунакларны үз куллары белән эшләнгән матур котлау открыткалары, теләкләр белән каршы алдылар. Кунакларны җылы каршы алган укучылар “Безгә әби белән бабай янәшәсендә яхшы” фоточеленджында катнаштылар. Мәктәпнең тамашачылар залында җылы рухлы, төрле бәйгеләрдә җиңүләр яулаган нәни артистлар катнашында бәйрәм концерты оештырылды. 15 нче мәктәп элек-электән талантларга бай белем йорты булганы билгеле. Җырлаучылар, биючеләр, шигырь сөйләүчеләр үзләренең сәләтләрен күрсәттеләр. Мәктәп укучылары һәм укытучылар көче белән әзерләнгән концертны тамашачылар җылы кабул итте. Чарада катнашучыларны, кунакларны мәктәп завучы Ольга Коробейникова бәйрәм белән котлады, үзенең матур, җылы теләкләрен җиткерде. Өлкәннәргә хөрмәт тәрбияләү концертында шәһәрнең себер татар мәдәният үзәге артистлары да катнашты.
Римма УМИТБАЕВА.
Рәсемдә: бәйрәмдә.
