Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
25 нче октябрь көнне Ямбай мәдәният йортында төмән тамашачылары Фәрит Әскәров җитәкләгән “Дуслык” җыр ансамбленең 10 еллык юбилеен билгеләп үттеләр. Кичәне матур итеп мәдәният йорты хезмәткәре Гөлфия Әмирова алып барды. Ул килгән кунакларны ансамбльнең бер дистә еллык тарихы белән таныштырып, аларның шатлыкларын уртаклашырга килүчеләргә сүз бирә барды. Ямьле юбилейлары белән котлап Төмән районы татар милли-мәдәни автономиясе рәисе Альберт Алтынгузин, өлкә себер татарлары автономиясе рәисе Фәүзия Марганова, аның башкарма директоры Фәрхәт Шамурадов, Төмән шәһәр себер татарлары автономиясе рәисе Динар Абукин чыгыш ясап, ансамбль җитәкчесе һәм җырчыларга Рәхмәт хатлары, бүләкләр тапшырдылар.
Тәбрикләү сүзләренә иҗатташ дуслары – Гөлшат һәм Җәгъфәр Касыймовлар, “Әхтәмүшки” (җитәкчесе Ә.Назыров) халык җыр, ”Манцыл”, “Талымхан” (И.Рамазанова) фольклор ансамбльләре дә кушылып, матур җырлар башкардылар. Кичә барышында “Дуслык” ансамбле җырчылары да үзләренең җыр-моңга сәләтләрен күрсәттеләр. Һәркемнең чыгышын тамашачылар көчле алкышларга күмделәр, ансамбльгә озын гомер, яңадан-яңа уңышлар теләделәр.
(Тулырак мәгълүматны “Яңарыш” битләрендә укырсыз).
Рәүфә КАНГАЗИНА.
