Кыскыркүл электр утына тоташты

Подробности

Опубликовано 22.10.2021 02:00

Просмотров: 372

62 миллион сумлык тиңдәшсез проект тәмамланды – сазлар буенча 35 чакрымлык линия төзелде.

2021 елның 15 апрелендә Түбән Тәүде районы, Кыскыркүл авылы мәктәбенә даими электр энегиясе бирелде, 15 сентябрьдә 56 йорт электр утына тоташтырылды, 11 өй хуҗасына килешү төзергә калды.

“Мир” исемле кыйммәт һәм сыйфатлы заманча исәп кораллары куелды. Пульт йөз метр радиуста кабына һәм кулланучы үзенең күрсәткечләрен күрә ала, боларның барчасы компьютерда чагыла, һичнәрсә тапшырырга кирәкми. Электр утына тариф бөтен җирдә бертигез.

Авыл халкы шушы олы вакыйгага ихлас күңелдән шатланды. Озак елларга сузылган хыял гамәлгә ашты. Бу тарихи эштә өлеш керткән һәрбер кешегә, аеруча җитәкчеләргә кыскыркүллеләр зур рәхмәтләрен белдерәләр.

- 15, 16 һәм 17 сентябрь көннәрендә авылда электрчылар бригадасы эшләде. Самат Булатов танкеткада алты кешене китерде. Алар бездә өч көн яшәделәр, эшләделәр, һәр йортка кереп тоташуны тикшерделәр. Һәм ниһаять, Кыскыркүлдә даими электр уты янды, - дип сөйләде мәктәп директоры Зөлфия Хәйруллина.

“Светлый путь” газетасын кулланып
Диләфрүз ФӘХРЕТДИНОВА