Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Октябрь аеның матур бер көнендә Аслана авылында яшәүче Земфира һәм Мансур Чәләловлар йортында Илдан Бакиев белән Алинә Чәләлованың никах мәҗлесләре үтте.
Тантаналы чарага кияү белән кәләшнең якын туганнары, дуслары, авылдашлары җыелды. Ялутор шәһәре мәчете имамы Раил хәзрәт Мәхмүтов яшь парга никах шартларын аңлатты. Яшьләрнең ризалыгын алгач, имам-хатыйб шаһитлар алдында догалар укыды. Тантаналы рәвештә аларга никах турында таныклык тапшырды. Чара барышында яшьләргә күп кенә акыллы киңәшләр һәм үгет-нәсыйхәтләр яңгырады. Авыл мәчетенең имамы Рәүфәт хәзрәт Аллаяров та яшь парга файдалы һәм мөһим киңәшләрен җиткерде, догалар укып, гаилә тормышына фатиха бирде.
Тантаналы өлештән соң, татар халык традицияләрен саклап, Чәләловларның иркен һәм уңайлы йортларында мәҗлес дәвам итте. Бүләкләр алмашу йоласы башлангач, кәләш белән кияүнең әти-әниләре үзара һәм якын туганнарына бүләкләр өләштеләр. Яшь пар әниләре Земфира белән Равиягә матур яулыклар, ә әтиләре Мансур белән Ильяска, күпсанлы кунаклар алдында ак түбәтәйләр бүләк иттеләр. Ә оста гармунчы Җәгъфәр Касыймов онытыла барган йолаларны үткәреп, никах туена онытылмаслык мизгелләр өстәде! Аннары туганнары, дуслары котлап, бүләкләрен тапшырдылар. Никах мәҗлесе матур җырлар, милли биюләр, гармун моңы белән үрелеп барды.
Яшь пар - Илдан белән Алинәнең киләчәк тормышлары никах мәҗлесләрендәге кебек матур, бәхетле булсын, дигән теләктә калабыз.
Рәүфә КАНГАЗИНА.
Рәсемдә: Илдан Бакиев, Алинә Чәләлова.
