Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
16 нчы ноябрь көнне “Яшь буын” өлкә татар яшьләре оешмасының 20 еллыгын бәйрәм итәргә дип Төмән шәһәренә Мәскәү, Казан, Пермь, Омск, Новосибирск, Екатеринбург, Сургут, Тубыл шәһәреннән татар яшьләре оешмаларының җитәкчеләре һәм актив яшьләр җыелышып килделәр. Юбилей уңаеннан телебез, мәдәниятебез, тарихыбызны саклау, үстерү темасына багышланган яшьләр форумы оештырылды. Кунакларны “Яшь буын” оешмасы җитәкчесе Фәрид Корманов бик җылы каршы алып, һәркемгә олы рәхмәтен белдерде, форум эшенә уңышлар теләде. Чара барышында милләтләр эшләре буенча өлкә комитеты белгече Шакирова, тарих фәннәре докторы Дамир Исхаков, физика-математика фәннәре кандидаты Марат Лотфуллин, политолог Руслан Айсин, тарих фәннәре кандидаты Зәйтүнә Тычинских, педагогия фәннәре кандидаты Рафаэль Гадиев һәм башка күренекле шәхесләр чыгыш ясадылар.
Әлеге чыгышларда татар этногенезы, замана шартларындагы милли мәгариф, цивилизация шартларында татар халкының роле һәм урыны турында сүз алып барылды. Шулай ук яшьләр үзләренең башкарган эшләре белән дә таныштырдылар, киләчәктә дә тыгыз элемтәдә булып, ярдәмләшеп, киңәшеп эшләргә дигән нәтиҗә ясалды. Көн тәртибенә куелган сораулар каралганнан соң, резолюциягә өстәмәләр кертеп, кабул итәргә дигән тәкдим кертелде. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.
