Кар вакытында юлда сак булыгыз!

Подробности

Опубликовано 11.11.2022 06:00

Просмотров: 367

Ноябрьнең башында өлкәбездә мул итеп кар яуды.

Гадәттән тыш хәлләр министрлыгының янгын-коткару бүлекчәләре районнарда һәм торак пунктларда булган юл-транспорт һәлакәтләрен бетерүдә катнаштылар.

Үзгәргән һава шартларында, тагын бер тапкыр җәяүлеләргә һәм машина йөртүчеләргә кар яву шартларында үз-үзеңне тоту кагыйдәләрен үтәргә киңәш итәбез.

Җәяүлеләр өчен тәкъдимнәр:

Юл аша чыкканда, хәтта җәяүлеләр кичүе яки светофор сигналы буенча да, як-якка игътибар белән карарга. Кинәт хәрәкәт ясарга кирәкми.

Әгәр дә берничә машина сезне чыгарам дип туктаса да, алар артыннан бүтән машина зур тизлектә килергә мөмкин. Урам аша үткәндә машиналарны карарга тырышыгыз.

Пассажир транспортын көтеп, юлга чыкмаска. Карлы начар һава шартларында сез юлда күренерлек булырга кирәк. Шуңа күрә киемдә чагылдыргыч элементлар булсын.

Шоферларга күрсәтмәләр:

Руль артында кәрәзле телефон кулланудан баш тартырга - юлга игътибар итәргә.

Тизлек режимын бозмагыз! Кар белән капланган юлларда һәлакәтләрнең күбесе нәкъ менә машина йөртүченең ашыгуы белән бәйле.

Алдагы машиналарны игътибар белән күзәтегез. Көзгегә ешрак карагыз. Сезнең тирәгездә машина йөртүчеләрнең берсе идарә итүне югалтырга мөмкин: сезгә тиз һәм ышанычлы хәрәкәтләнергә кирәк булуы бар.

Алдагы машинага «кысылырга» кирәкми - сез маневрлар өчен урынны киметәсез.

Башка полосага күчеп, яисә узарга тырышып кискен хәрәкәт ясамагыз, кинәт тормозга басмагыз.

Кузгалыр алдыннан машинаның техник хәлен тикшерегез.

Әгәр дә тирә-юньдәгеләр тизлекне киметсәләр, сез дә киметегез: бәлки алда җәяүлеләр яки юл-транспорт вакыйгасыдыр.

Карау өчен алгы һәм арткы пыялаларның чиста булуын күзәтегез, «сөртүчеләр» һәм фаралар төзек хәлдәме - тикшерегез.

Һәлакәтләр килеп чыкканда - «112» яки «101»телефонына шалтыратыгыз.

МЧС матбугат хезмәте