Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
16 ноябрь көнне Төмән шәһәр татар мәдәният үзәгендә өлкә татар милли-мәдәни автономиясенең отчет утырышы узды. Биредә хөрмәтле кунаклардан – милләтләр эшләре буенча өлкә комитеты рәисе урынбасары Владислав Чернов, шәһәр Думасы депутаты Динар Абукин, Төмән шәһәренең Мельникайте урамындагы мәчет имамы Илдар Зиганшин да бар иде. Утырышны өлкә автономиясе рәисе Ришад Зиганшин җитәкләде. Отчет докладлар белән өлкә автономиясенең башкарма директоры Тимергали Мирасов, өлкә автономиясенең мәгариф һәм фән буенча комиссия рәисе, профессор Хәнисә Алишина чыгыш ясадылар. Биредә өлкә татар яшьләрен берләштерү, өлкә автономиясенең сайтын булдыру, 2018 елның беренче яртыеллыгына “Яңарыш” газетасына язылу турында сүз алып барылды. Ахырда Тимергали Мирасов өлкә автономиясенең яңа елга куелган эш планы белән таныштырды.
Ә 20нче ноябрь көнне Төмән районы татар милли-мәдәни автономиясе рәисе Альберт Алтынгузин автономия советы әгъзаларын 
Төмән шәһәренең район хакимияте йортына отчет утырышка җыйды. Әлеге чарада район хакимият башлыгының социаль сораулар буенча урынбасары Ольга Зимина белән мәдәният идарәсе начальнигы Андрей Неугодников та катнаштылар. Утырыш автономия җитәкчесенең соңгы 9 ай эчендә башкарылган эшләр буенча отчет бирү доклады белән башланды. Шулай ук ул 2018нче елга планлаштырылган эш проекты белән дә таныштырды. Районда дини оешмаларның нинди эшләр алып барганы турында Рөстәм хәзрәт Камалиев чыгыш ясады. Аннары Ольга Зимина районның 95 еллыгына нинди әзерлек эшләре алып барылганы һәм район Сабантуен уздырыр өчен урын сайлау турында әйтеп үтте. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.
