Декабрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Үз хезмәте, игътибары һәм игелеге белән дөньяны махсус яктылык белән нурландырган кешеләр бар. Нәкъ менә Хәлил Кадыйров - шундый кеше! 12 декабрьдә аңа 60 яшь туа. Без аңа бөтен эшләве өчен чын күңелдән рәхмәт белдерергә телибез.
Хәлил Хәсән улы зур һәм тату гаиләдә үсә. Әти-әнисе ярдәмендә ул тормышның төп дәресләрен үзләштерә: игелек, җаваплылык, тырышлык һәм белемгә омтылыш.
Ул ерак Германиядә хезмәт итә, Төмәндә авыл хуҗалыгы буенча белем ала, туган «Междуреченский» совхозына инженер булып кайта. Авылларда авыл хуҗалыгы җимерелгәч, ул аны фермерлык аша сакларга тырышты. Германия фермерларыннан тәҗрибә туплады.
Хәлил Хәсән улы авыл клубын саклап та зур өлеш кертте. Бүген тормыш иптәше Нурия Рушан кызы эшләгән авыл клубы авылның мәдәни тормыш үзәгенә әверелде, чәчәкле бакчага әйләнде, анда талантлар ачыла, җырлар яңгырый һәм буыннар бәйләнеше ныгый.
Аның җитәкчелегендә җирле мәчет тә торгызыла, манарасын яңадан иман һәм ныклык символы итеп күккә юнәлтә. Иске Александр авыл җирлеге башлыгы буларак, Хәлил Кадыйров Кортъегәндә ватан сугышчыларына һәйкәл ачуда һәм урнаштыруда актив катнаша. Ул су басуга каршы көрәштә авылдашлары белән бергә булды, яшелләндерүдә, балалар мәйданчыклары төзү, юлларны ремонтлауда актив эшләде. Нәкъ менә шушы елларда авылдашлары белән яраткан «Яксет» каен бакчасын кисүдән саклый алды.
Бүген Хәлил Хәсән улы үз вахтасын дәвам итә, янгын частендә авылдашларының тынычлыгын саклый, хезмәт сөючәнлек һәм туган якка тугрылык үрнәге булып кала.
Диана КАЗАНСКАЯ, Төмән шәһәре.
