Яңалык

Подробности

Опубликовано 27.12.2019 00:00

Просмотров: 354

Открытие площадки ГТО. Төмән районының 2 нче балалар һәм яшүсмерләр спорт мәктәбе үз базасында «Демография» милли программасының «Спорт – тормыш нормасы» федераль проекты кысаларында төзелгән спорт мәйданчыгын ачты.

Мәйданчыкта воркаут зонасы, көч тренажерлары һәм ГТО нормативларын үтәргә җиһазлар урнашкан һәм барлык категория гражданнар өчен физик культура һәм спорт белән шөгыльләнергә билгеләнгән.

* * *

Урок мужества тюменским школьникам дал ветеран Великой Отечественной войны. 2020 ел Россиядә Бөек Ватан сугышында Җиңүнең 75 еллык юбилеен бәйрәм итү уңаеннан Хәтер һәм Дан елы дип игълан ителде. Юбилей елы алдыннан «Төмән десанты» көрәшчеләре 22 нче мәктәпнең 9 нчы сыйныф укучыларына бүләк ясадылар, алар янына Бөек Ватан сугышы ветераны Василий Петрович Кулаковны кунакка чакырдылар.

Быел «Төмән десанты» проекты Президент грантлары фонды ярдәме белән тормышка ашырыла. Бүлеп бирелгән акчага чаралар үткәрү өчен аппаратура, мастер-класслар өчен материаллар һәм ветераннар өчен бүләкләр сатып алдылар.

* * *

В Тюменской области одновременно введены в работу две современные электрические подстанции. «Причал» һәм «Молодежная» электростанцияләрен эшләтеп җибәрү тантанасын Төмән өлкәсе губернаторы Александр Моор, ПАО «Россети» генераль директорының инвестицияләр һәм капиталь төзелеш буенча урынбасары Леонид Неганов һәм «Россети Төмән» компаниясе генераль директоры Алексей Солдатенко уздырдылар.

Яңа энергообъектларны төзү өлкә үзәге һәм Төмән районының электр куәте арта баруына бәйле. Инвестицион проектлар Төмән өлкәсенең электр энергетикасын үстерү программасы нигезендә тормышка ашырылган. 2019 елда «Россети Төмән» компаниясе шәһәрнең электр челтәре үсешенә 3,4 млрд сум инвестицияләгән.

* * *

Добро объединяет: жители Тюмени дарят подарки одиноким пенсионерам. Оешма коллективлары һәм шәһәр халкы читтә калмый, алар ялгыз яшәүче өлкәннәрнең теләкләрен тормышка ашырырга бик теләп ярдәм итәләр һәм аларга бүләкләр бирәләр, шул рәвешле шәхси үрнәктә игелекле эшне җиңел башкаруларын күрсәтәләр.

Декабрь башыннан бирле өч дистәдән артык ялгыз өлкән яшьтәге кеше волонтерлар кулыннан бәйрәмгә азык-төлек җыелмалары, чыршы бизәү әйберләре, җылы әйберләр һәм көнкүреш приборлары алды. Кайбер компанияләр ветераннарга урын-җир кирәк-яраклары, интерьер әйберләре, яңа савыт-саба, көнкүреш техникасы бүләк иттеләр, өлкән яшьтәге гражданнарның фатирларында генераль җыештыру оештырдылар. Ел ахырына кадәр тагын бик күп игелекле очрашулар үткәрү планлаштырыла.

Өлкә газеталарыннан хәбәрләрне Нәсимә ТАШБУЛАТОВА туплады.