Алар безне читләп үтеп китсен

Подробности

Опубликовано 26.12.2025 11:56

Просмотров: 140

Ел саен Россия күләмендә үлүчеләрнең саны 1,8 миллион чамасы тәшкил итә. Февраль аеннан декабрьгә хәтле үлүчеләр 167 мең булса, ә инде шул ук вакытта, январь аенда үлүчеләр саны 180гә җитә.

Медицина фәннәре докторы Александр Немцовның әйтүенчә, иң күп үлә торган вакыт Яңа ел бәйрәменә (31.12. - 01.01) туры килә. Бу вакыт үлүчеләр саны башка көннәргә карата 9 меңгә артык.

Бу ямьсез күренешләрнең төп сәбәбе: исерткеч эчемлекләр белән мавыгу, чамадан тыш ашану. Тикшерүчеләрнең тәҗрибәсе - күзәтүләре буенча, яңа ел кичәсендә (31.12.) агулану (отравление), йөрәк, ашказаны авырулары күбәя. Күп очракта, бәйрәм көннәрендә бәхетсез очраклар, юлда машиналар белән бәрелешләр, аяк-кулларын сындыручылар, гомер буена зәгыйфь булып калучылар, ә инде көннәр суык булса (безнең регионда – 20, -30 градус булганда), кулларын, бармакларын, хәтта аякларын өшетеп аяк-кулсыз калучылар да булгалый, Аллаһы Тәгалә сакласын. Ул гына да түгел, үзләренең гаепләре нәтиҗәсендә янгын килеп чыгу сәбәпле, кышкы салкыннарда өйләре янып урамда калучылар да булып куя. Бигрәк тә, яшьләр арасында үз-үзеңә кул салу (суицид) кебек куркыныч хәлләр дә юк түгел.

Шуның өчен Яңа ел бәйрәмендә итле ашлар, бал, чәк-чәк, гөбәдия кебек татар ашлары белән табын артында утырсак, Аллаһы Тәгаләгә шөкер итсәк, Ин ша Аллаһ, безләргә ошбу ямьсез күрсәткечләр кагылмаячак, алар безне читләп үтеп китсен иде дигән теләктә калам.
«И, иман китергән кешеләр! Шәраб эчү, өстәл уены уйнау, илаһ итеп ясалган сүрәтләргә ышану, отыш өчен уклар ату - болар бик начар эш һәм шайтан гамәлләреннәндер. Сез аннан ераклашыгыз, котылучылардан булырсыз.

Бу эшләрне, шәраб эчүне, отышлы уеннар уйнауны шайтан сезнең арагызга дошманлык салу, арагызда ачу тоту өчен һәм Аллаһны искә алудан, намазлардан тыелу өчен файдалана. Шулай булгач, сез тыелучы булырсызмы?» Коръән тәфсире (5:90-91).

Фатыйх ГАРИФУЛЛИН,
Төмән шәһәре.