Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән районы, Каскара мәктәбенең филиалы - Талымхан урта мәктәбендә кадетлар классы бар. Класс җитәкчеләре Рәфыйк абый Садыйковтан 5 нче класс укучылары турында сораштым. Күк беретлар кигән унбер баланы менә инде беренче сентябрьдән төрле белгечләр күп төрле нәрсәләргә өйрәтәләр. Табиблар, волонтерлар, полиция, МЧС хезмәткәрләре теория һәм практик дәресләр үткәрәләр.
Район күләмендә алар ярышларда, җыеннарда катнашачак. Хәзергә алар әйләнә-тирәдә хәвеф-хәтәрсез, исән-имин булырга, һәр җирдә юл кагыйдәләрен үтәргә, бердәм, тату булырга, сабыйларга, олыларга ярдәм кулын сузарга өйрәнәләр. Бу көннәрдә алар рәттә әзерлекне үзләштерәләр. Олеся Талипова конкурска үз куллары белән ясаган эшен җибәрде. Ул: «Миңа яңа мәктәптә укырга бик ошый, дәресләремә бик тырышып әзерләнәм, яхшы билгеләр алырга тырышам», - ди. Кадетлар белән очрашырга махсус хәрби операциядә катнашучы ялга кайткан Дамир Мәхмүтов килде. «Батырлык ордены»н, «Жуков» медален алган авылдашыбыз балаларның сорауларына җавап бирде.
Рәйсә РӘХИМОВА,
Төмән районы, Талымхан авылы.
Рәсемдә: волонтер укучылар кунаклар белән.
