Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән районы, Шыкча авылында беренче мәктәп 1916 елда ачылган. Ул мәчет каршында эшләгән. Ә моңа кадәр җирле халык Майкамал һәм Нурмөхәммәт Гафуровлар Шыкча балаларын үз өйләрендә укырга-язарга өйрәткәннәр.
1919 елда Шыкчада яшәүче Бибисара Якупова сүзләре буенча, мәктәп өчен аерым бина бүлеп бирелә. Ул Шыкчада яшәүче Мөхәммәтвәкил Әминов (Әшрәф Әминовның бабасы) йортының икенче катында урнашкан. Соңрак мәктәп өчен Шыкчада яшәүче Ниязмөхәммәт Латыйпов йорты да бүлеп бирелә. Ул елларда укытучылар булып 1922 елда Татарстаннан килгән Гыйльминиса, Зөләйха апалар эшлиләр. Кызганычка каршы, бу хатыннарның фамилияләрен беркем дә хәтерләми. Соңрак Шыкчада укытучылар булып Хәҗәр Алешкина, Каюм Әминов хезмәт итәләр.
1929 елда Совет властен данлыкны бетерү турында карар кабул иткәннән соң, Шыкчага Абдулла Богданов килә, ул өлкән яшьтәге халыкны грамотага өйрәтә. Ул Шыкча мәчетендә ачылган уку йортында эшли. Ә аның хатыны Зәйнәп балаларны укырга өйрәтә. Балалар өчен мәктәп элеккеге мәчет бинасында урнашкан була. Мәктәптә 5 сыйныфны тәмамлагач, балалар Төмән районы, Ямбай җидееллык мәктәбендә укырга мәҗбүр булалар. Бу бик ерак һәм уңайсыз. Шуңа күрә җидееллык белем алу һәркемгә дә мөмкин булмаган.
Сугыш вакытында Шыкча мәчете яңадан дин тотучыларга тапшырыла. Ә мәктәп ул вакытта колхоз конторасында урнашкан һәм 2 сыйныфны гына сыйдыра алган. Укытучы булып сугыш елларында Хәлил Ибәтуллин эшли. Укуны дәвам итәргә теләүчеләр Явызбы мәктәбенә йөриләр.
1945 елда Шыкчада җидееллык мәктәп ачыла, аның беренче директоры Зөләйха Салеева була. Соңрак мәктәп директоры итеп Галим Бикмөхәммәтов билгеләнә. Ә 1946 елдан 1958 елга кадәр 12 ел дәвамында Шыкча мәктәбе директоры булып Бәдретдин Гарифуллин эшли.
1957 елда Шыкчада сигезьеллык мәктәп төзелә башлый. Төзелеш белән Нурбанәт Гыйльманова җитәкчелек итә. 1959 елда мәктәп бинасы файдалануга тапшырыла.
1986 елда җирле халыкның күптән көтелгән хыялы тормышка ашты: Шыкчада яңа урта мәктәп ачылды. Шыкча урта мәктәбен төзү инициаторы булып «Туринский» совхозы директоры Баязит Хәйруллин тора. Мәктәп директоры итеп Әдип Гарифханов билгеләнә.
2002 елның 15 январенда 125 урынга исәпләнгән мәктәпкә яңа корылма ачыла.
2010 елда мәктәпкә өч дан ордены кавалеры, Ржев шәһәренең һәм Төмән шәһәренең мактаулы гражданины Хәбибулла Якин исеме бирелә.
2022 елның июненнән 2023 елның сентябренә кадәр мәктәптә капиталь ремонт үткәрелә. 2023 елның 1 сентябрендә балалар заманча үзгәртеп корылган мәктәпкә килделәр, аның директоры булып 2020 елдан Гөлнур Емельянова эшли.
Ләйлә МАДЬЯРОВА.
