Март 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
28 февраль көнне Төмән районы хакимияте бинасының зур залында район татар милли-мәдәни автономиясенең чираттагы отчет-сайлау конференциясе узды. Утырышның төп максаты – автономиягә яңа рәис һәм совет әгъзаларын сайлау иде. Чараны автономия рәисе Хәмзә Биктимиров җитәкләде. Килүчеләрне район хакимияте башлыгы Светлана Иванова сәламләгәннән соң, Хәмзә Колчак улының шушы елларда башкарган эшенә зур бәя биреп, рәхмәтен белдерде, киләчәктә уңышлар теләде. Һәм район башлыгы автономиянең актив әгъзалары - Гөлфрүз Абдуллина, Тимербикә Муталапова, Фәрхәт Хәмидуллинга Рәхмәт хатлары тапшырды.
Милләтләр эшләре буенча өлкә комитеты рәисе Евгений Воробьев та автономиянең ирешкән уңышларын барлап чыккач, 
Россия мөселманнарының үзәк Диния нәзарәтенең Төмән өлкәсе имам-мөхтәсибе Илдар хәзрәт Зиганшин, Әсхәт Вәлишин, Дания Микулина, Галия Волкованы Рәхмәт хатлары белән бүләкләде. Өлкә Думасы депутаты Александр Крупин, район Думасы рәисе Валентин Клименко, өлкә милли-мәдәни автономиясе рәисе Ришад Зиганшин чыгышларында үзара дус, ярдәмләшеп яшәргә чакырдылар. Хәмзә Биктимиров 2013 елдан алып 2017 елга хәтле район автономиясе рәисе буларак башкарган эшенә тулы отчет бирде. Комиссия аны тыңлаганнан соң, хезмәтен “канәгатьләнерлек” дип бәяләделәр. Аннары автономиягә яңа совет,ревизия комиссиясе әгъзалары һәм автономия рәисе сайланды.
Рәүфә КАНГАЗИНА.