“Яңарыш”ка язылыйк, дуслар!

Подробности

Опубликовано 28.02.2020 07:12

Просмотров: 306

“Апа, “Яңарыш”ка языласызмы?” – диде почта хезмәткәре Эмма. И, ничек язылмыйсың инде, газетабызның тиздән 30 яше тула бит!

Авылыбыз кечкенә булса да, элек-электән “Яңарыш”ка бик теләп язылалар, яратып укыйлар. Газетаның беренче чыккан көненнән үк алып, 30 еллыгы җитә дип язылучылар саны да уннан артып, гомумән, ике йортка бер газета исәпләнә.

Безгә газета пәнҗешәмбе көнне килеп җитә. Почта бүлеге бездән 10 чакрымда, Эммага ире Вахид машинасы белән алып кайта, шулай вакытында газета белән тәэмин итүләренә зур рәхмәт аларга.

Көтеп алган газетабызны кулга алуга, иң алда баш мәкаләгә күз йөртәм, аннан иң соңгы битне карыйм: башта котлауларны укыйм – арада танышлар да була.

Дуслар, язылыйк газетага, пенсиябез ярыйсы бит, үзебезнең татарлардан кеше көлдермик.

Нәркәс НӘБИУЛЛИНА, Түбән Тәүде районы, Казанлы авылы.